അടിമാലി: കല്ലാര്കുട്ടിയില് നിന്നും മുതിരപ്പുഴ വഴി കൊന്നത്തടിയ്ക്കുള്ള റോഡ് തകര്ന്ന് ഗതാഗതം ദുഷ്ക്കരമായി. പൊട്ടിപ്പൊളിഞ്ഞ് ഗര്ത്തങ്ങള് രൂപപ്പെട്ട് വെള്ളക്കെട്ടും രൂക്ഷമായിട്ടുണ്ട്. കൊന്നത്തടി പാക്കാലപ്പടിയില് നിന്നും മൂന്ന് കിലോമീറ്റര് ദൂരമുള്ള ആദ്യകാല റോഡാണിത്.
മൂന്ന് വര്ഷം മുമ്പ് മേച്ചേരി പടിയില് നിന്നും മണ്വേല നടത്തി റോഡ് ടാറിങ് ജോലികള് പൂര്ത്തിയാക്കി ഗതാഗതയോഗ്യമാക്കിയിരുന്നു. കല്ലാര്കുട്ടിയില് നിന്നും മേച്ചേരിപ്പടി വരെയാണ് റോഡ് പൂര്ണമായും തകര്ന്നിരിക്കുന്നത്.
ഈ റോഡ് തുറന്നതോടെ കൊന്നത്തടി, മരക്കാനം, പൊന്മുടി, മുനിയറ, പൂതാളി മേഖലകളിലുള്ളവര് അടിമാലിയ്ക്ക് യാത്ര ചെയ്യുന്നതും ഈ വഴിയായിരുന്നു. മുനിയറയില് നിന്നും അടിമാലിയ്ക്ക് എളുപ്പത്തില് യാത്ര ചെയ്യാവുന്ന റോഡ് കൂടിയാണിത്. ഇതുവഴി രണ്ട് ബസുകള് സര്വീസ് നടത്തുന്നുണ്ട്. എത്രയും വേഗം റോഡ് ഗതാഗതയോഗ്യമാക്കണമെന്നാണ് നാട്ടുകാരുടെ ആവശ്യം.
