ദുബായ്: എന്ക്രിപ്റ്റ് ചെയ്ത ഡിജിറ്റല് കറന്സിയായ എം-ക്യാഷ് വികസിപ്പിച്ചെടുക്കാനും അത് വ്യവഹാരത്തില് കൊണ്ടുവരാനുമുള്ള കരാറില് ഒപ്പുവെച്ച് ദുബായ്. ദുബായ് ഇക്കോണമിയുടെ സഹസ്ഥാപനമായ എംക്രെഡിറ്റും യുകെ ആസ്ഥാനമാക്കി പ്രവര്ത്തിക്കുന്ന ഒബ്ജക്റ്റ് ടെക് ഗ്രൂപ്പ് ലിമിറ്റഡും ചേര്ന്നാണ് കറന്സി കൊണ്ടുവരുന്നത്. ഇത് കൊണ്ടുവരുന്നതിലൂടെ ഗവണ്മെന്റ്, ഗവണ്മെന്റ് ഇതര സേവനങ്ങള്ക്ക് പണമടയ്ക്കാന് ജനങ്ങള്ക്ക് ഡിജിറ്റല് കറന്സി ഉപയോഗിക്കാനാവും.
ഏറ്റവും പുതിയ ബ്ലോക്ചെയിന് ടെക്നോളജിയുടെ അടിസ്ഥാനത്തില് എംപേ വാലറ്റിലെ ഡിജിറ്റല് കറന്സി എംകാഷ് ആയിരിക്കും. ഡിജിറ്റല് ഇടപാടുകളെ പ്രോത്സാഹിപ്പിക്കുന്നതിനായി എംക്രെഡിറ്റാണ് എംപേ വാലറ്റ് കൊണ്ടുവന്നത്.
യുഎഇയിലെ താമസക്കാര്ക്ക് അവരുടെ സ്മാര്ട്ട്ഫോണിലുള്ള നിയര് ഫീല്ഡ് കമ്യൂണിക്കേഷനിലൂടെ വിവിധ ഇടപാടുകള് നടത്താനുള്ള സൗകര്യമാണ് എംപേ ഒരുക്കുന്നത്.
ഡിജിറ്റല് ഇടപാടുകളെ പ്രോത്സാഹിപ്പിക്കുന്നതിനായി എംക്രെഡിറ്റാണ് എംപേ വാലറ്റ് കൊണ്ടുവന്നത് ഡിജിറ്റല് കറന്സിയെ സുരക്ഷിതമാക്കാനുള്ള സൗകര്യവും ഇടനിലക്കാരുടെ അടുത്ത് പോകാതെ തന്നെ ഇത്തരത്തിലുള്ള ഇടപാടുകള് കച്ചവടക്കാര്ക്ക് തത്സമയം നടത്താനുള്ള സൗകര്യവും എംകാഷ്, എംപേ ഉപഭോക്താക്കള്ക്കുണ്ടാകും.
