ചാവക്കാട് : എടക്കഴിയൂര് ബീച്ചിലെ പുറമ്പോക്ക് ഭൂമി കൈയ്യേറി അനധികൃതമായി നിര്മ്മിച്ചു കൊണ്ടിരുന്ന വാര്ക്ക വീട് പോലീസും വില്ലേജ് അധികൃതരും ചേര്ന്ന് ജെ.സി.ബി.ഉപയോഗിച്ച് പൊളിച്ചു മാറ്റി.
എടക്കഴിയൂര് ബ്ലാങ്ങാട് താഴത്ത് ബി.എച്ച്.ഹസ്സന്കോയ നിര്മ്മിച്ചു കൊണ്ടിരുന്ന വീടാണ് തഹസില്ദാര് കെ.വി.ആമ്പ്രോസിന്റെ നിര്ദ്ദേശ പ്രകാരം ഡെ. തഹസില്ദാര് എം.പി.സുരേഷ് കുമാര്, എടക്കഴിയൂര് വില്ലേജ് ഓഫീസര് എം.എസ്.അശ്വിന് കുമാര് എന്നിവരുടെ നേതൃത്വത്തില് പൊളിച്ചുമാറ്റിയത്.പുറമ്പോക്ക് ഭൂമിയിലെ ഈ നിര്മ്മാണം തറപ്പണികഴിഞ്ഞ സമയത്തു തന്നെ പൊളിച്ചുനീക്കാന് രേഖാമൂലം നിര്ദ്ദേശം നല്കിയിരുന്നുവെങ്കിലും ഇത് വകവെക്കാതെ ഇയാള് നിര്മ്മാണം തുടരുകയായിരുന്നു.
തീരദേശ മേഖലയില് ഇത്തരം കൈയ്യേറ്റങ്ങള് അനവധിയാണെന്ന് താലൂക്ക് വികസന സമിതി യോഗത്തില് ആരോപണം ഉയര്ന്നിരുന്നു.ഇതേ വ്യക്തിയുടെ തന്നെ നിരവധി കൈയ്യേറ്റങ്ങള് ഇനിയും ഒഴിപ്പിക്കാനുണ്ട്.
