കൊല്ലം: ഇഎസ്ഐ കരാറുകള്ക്ക് പിന്നില് വന് അഴിമതിയും കമ്മീഷനുമെന്ന് ആരോപണമുയരുന്നു. ആശ്രാമം ആസുപത്രിയില് ഹൃദയശസ്ത്രക്രിയയെത്തുടര്ന്ന് രോഗി മരിച്ചതുമായുണ്ടായ വിവാദങ്ങളുടെ തുടര്ച്ചയാണ് കോടികളുടെ അഴിമതി ആരോപണം. ഇത്തരം കരാറുകള്ക്ക് പിന്നില് മുന് കേന്ദ്രമന്ത്രിയടക്കമുള്ള നേതാക്കള്ക്ക് പങ്കുണ്ടെന്നാണ് ആക്ഷേപം.
അതേ സമയം ആശ്രാമം ഇഎസ്ഐ ആശുപത്രിയില് പ്രവര്ത്തിപ്പിക്കുന്ന ഹാര്ട്ട്സെന്ററിലെ രോഗീമരണങ്ങളുടെ പാശ്ചാത്തലത്തില് ആശുപത്രിക്കെതിരെ തെറ്റായ ആരോപണങ്ങള് ഉന്നയിക്കുന്നതില് നിന്ന് ബന്ധപ്പെട്ടവര് ഒഴിഞ്ഞുനില്ക്കണമെന്ന ആവശ്യവുമായി കേന്ദ്ര ജീവനക്കാരുടെ കോണ്ഫെഡറേഷന് രംഗത്തെത്തിയിട്ടുണ്ട്. പിപിപി പദ്ധതി പ്രകാരം സ്വകാര്യ ആശുപത്രി ഏറ്റെടുത്ത് നടത്തുന്നതാണ് ഹാര്ട്ട് സെന്റര്. പരാതിക്കിടയായ സംഭവം നടന്നിരിക്കുന്നത്—കൊല്ലത്തെ ഒരു സ്വകാര്യ ആശുപത്രി മേധാവി സിഇഒ ആയ അഹമ്മദാബാദിലെ ഹെല്ത്ത്കെയര് ഇന്സ്റ്റിറ്റ്യൂട്ടാണ്. ഈ വിഭാഗം നേരത്തെ മുതല്തന്നെ പൂര്ണമായും സ്വകാര്യ സംരംഭകരുടെ മേല്നോട്ടത്തിലാണ് പ്രവര്ത്തിക്കുന്നതെന്ന് ജീവനക്കാര് ചൂണ്ടിക്കാട്ടുന്നു.
ഇതുമായി ബന്ധപ്പെട്ട് വകുപ്പുതല അന്വേഷണം പുരോഗമിക്കുന്ന സാഹചര്യത്തില് സംഭവത്തില് ബന്ധമില്ലാത്ത ഡോക്ടര്മാരുള്പ്പെടെയുള്ള ഇഎസ്ഐ ജീവനക്കാര്ക്കെതിരെ ആരോപണം ഉന്നയിക്കുന്നത് ശരിയല്ലെന്ന് കോണ്ഫെഡറേഷന് നേതാക്കള് പ്രസ്താവനയിലൂടെ അഭിപ്രായപ്പെട്ടു. കൊല്ലം തെക്കേവിള അച്യുതത്തില് സദാശിവന്(44) ആണ് കഴിഞ്ഞ ബുധനാഴ്ചയ ആശുപത്രിയില് അന്തരിച്ചത്. ശസ്തര്ക്രിയയ്ക്കായി അനുവാദം നിര്ബന്ധപൂര്വം വാങ്ങിയതായാണ് ബന്ധുക്കളുടെ ആരോപണം. സംഊവത്തില് പരാതിയെത്തുടര്ന്ന് സബ്കളക്ടര് എസ്. ചിത്രയുടെ മേല് നോട്ടത്തില് അന്വേഷണം ആരംഭിച്ചിട്ടുണ്ട്.
