തിരുവല്ല: ഇടിച്ചിട്ട് നിര്ത്താതെ പോയ വാഹനത്തെ പിന്തുടര്ന്നെത്തിയ സംഘം ഇടിച്ച വാഹനത്തിന്റെ ചില്ല് തകര്ത്തു. തിരുവല്ല മാവേലിക്കര സംസ്ഥാന പാതയില് പാലിയേക്കര പള്ളിക്ക് സമീപം ഇന്നലെ വൈകിട്ട് അഞ്ച് മണിയോടെ ആയിരുന്നു സംഭവം. ചാത്തങ്കരി ജംഗ്ഷന് സമീപം വെച്ച് ഉണ്ടായ അപകടമാണ് സംഭവത്തിന്റെ തുടക്കം.
മേപ്രാല് സ്വദേശിയുടെ ഓട്ടോറിക്ഷയില് ഇടിച്ചതിനെ തുടര്ന്ന് നിര്ത്താതെ പോയ ഓട്ടോ ടാക്സിയാണ് ഓട്ടോറിക്ഷയില് പിന്തുടര്ന്നെത്തിയ സംഘം പാലിയേക്കരയില് തടഞ്ഞത്. തുടര്ന്ന് ഇരു വാഹനത്തിലെയും യാത്രക്കാര് തമ്മിലുണ്ടായ വാക്കേറ്റമാണ് അക്രമത്തില് കലാശിച്ചത്. സംഭവത്തെ തുടര്ന്ന് പാതയില് ഗതാഗതം തടസപ്പെട്ടു. തുടര്ന്ന് സ്ഥലത്തെത്തിയ ട്രാഫിക്ക് പോലീസ് എസ് ഐ ദിനേശ് കുമാറിന്റെ നേതൃത്വത്തില് അക്രമത്തിന് മുതിര്ന്ന യുവാക്കളെ പിടികൂടി. മേപ്രാല് കൈതവന കിഴക്കേതില് അജിഷ് (31), പുരമുറ്റം പുത്തന്പറമ്പില് അജിത് കുമാര് (26) എന്നിവരാണ് അറസ്റ്റിലായത്.
