പനച്ചിക്കാട്: ജ്ഞാനാംബിക കുടികൊള്ളുന്ന പനച്ചിക്കാടിന്റെ പവിത്രമായ അക്ഷരതിരുമുറ്റത്ത് ജന്മഭൂമി സ്റ്റാള് തുറന്നു. ഇന്നലെ രാവിലെ 11ന് പനച്ചിക്കാട് ദേവസ്വം മാനേജര് കെ.എന്.നാരായണന് നമ്പൂതിരിയും അസിസ്റ്റന്റ് മാനേജര് ശ്രീകുമാറും ചേര്ന്ന് ഭദ്രദീപം കൊളുത്തി സ്റ്റാള് ഉദ്ഘാടനം ചെയ്തു.
അറിവന്റെ ലോകത്തേക്ക് പ്രവേശിക്കുന്ന ആയിരക്കണക്കിന് കുട്ടികള്ക്കും രക്ഷിതാക്കള്ക്കും ജന്മഭൂമി നല്കുന്ന സേവനം മഹത്തരമാണെന്ന് ഉദ്ഘാടനം നിര്വ്വഹിച്ചുകൊണ്ട് നാരായണന് നമ്പൂതിരി പറഞ്ഞു.
ജന്മഭൂമി ഡവലപ്പ്മെന്റ് മാനേജര് എം.വി.ഉണ്ണികൃഷ്ണന്, മാര്ക്കറ്റിങ് മാനേജര് ജോണ് കോര, ആര്എസ്എസ് വിഭാഗ് സഹകാര്യവാഹ് ഡി.ശശികുമാര്, എ.അനില്, രണരാജ്, ബിജു എന്നിവരും സന്നിഹിതരായിരുന്നു.
ജന്മഭൂമി പ്രസിദ്ധീകരണങ്ങള്ക്ക് പുറമേ വി പബ്ലിഷേഴ്സ്, വന്ദേമാതരം ബുക്സ് എന്നിവരുടെയും പ്രസിദ്ധീകരണങ്ങളും ആദ്ധ്യാത്മിക ഗ്രന്ഥങ്ങളും ഇവിടെനിന്ന് ലഭിക്കും. ദിവസേന നടക്കുന്ന പുരണാപ്രശ്നോത്തരി മത്സരത്തില് ഭക്തജനങ്ങള്ക്ക് പങ്കെടുക്കുവാന് അവസരം ഒരുക്കിയിട്ടുണ്ട്. വിജയികള്ക്ക് അമൂല്യമായ ഗ്രന്ഥങ്ങള് സമ്മാനമായി ലഭിക്കും.
