തിരുവല്ല: ഹിന്ദു വിജിലന്്റ് മൂവ്മെന്റ് സംസ്ഥാന സമിതി ഏര്പ്പെടുത്തിയ പ്രഥമ ധര്മ്മകീര്ത്തി വിജയദശമി പുരസ്കാരം കെ. ആര്. പ്രതാപചന്ദ്ര വര്മ്മക്ക് നല്്കുമെന്ന് പുരസ്ക്കാര നിര്ണയ സമിതി കണ്വീനറും ദക്ഷിണ കേരളം മേഖല പ്രസിഡണ്ടുമായ ദിലീപ് പൂപ്പറമ്പില് അറിയിച്ചു.
സാമൂഹ്യ പ്രവര്ത്തന രംഗത്തെ മികവുറ്റ പ്രവര്ത്തനങ്ങളാണ് അദ്ദേഹത്തെ പുരസ്ക്കാരത്തിന് അര്ഹമാക്കിയത്. പ്രമുഖരായ 9 സാമൂഹ്യ പ്രവര്ത്തകരില് നിന്നാണ് പ്രതാപചന്ദ്ര വര്മ്മയെ തെരഞ്ഞെടുത്തത്. വിജയദശമി നാളില് അദ്ദേഹത്തിന് പുരസ്ക്കാരം നല്കും .സംശുദ്ധ പൊതുജീവിതത്തിന്റെ ഉടമയും കക്ഷിരാഷ്ട്രീയ മത പരിഗണനകള്ക്കുമപ്പുറം ആദരണീയ വ്യക്തിത്വമാണ് പ്രതാപചന്ദ്രവര്മ്മയെന്ന് ഹിന്ദു വിജിലന്്റ് മൂവ്മെന്റ് ഭാരവാഹികള് അറിയിച്ചു . മധ്യതിരുവിതാംകൂറിലെ നിരവധി സാംസ്കാരിക സാമൂഹ്യ സേവന പ്രവര്ത്തനങ്ങള്ക്ക് മാര്ഗ്ഗദര്ശിയും കൂടിയാണ് അദ്ദേഹം .പരുമല ബലി ദാനി ട്രസ്റ്റ് ചെയര്മാനായി പ്രവര്ത്തിക്കുന്ന പ്രതാപചന്ദ്ര വര്മ്മ ബിജെപി സംസ്ഥാന ട്രഷര്,,ഭാഗവത ധര്മ്മ പ്രചാരണ് ദേശീയ ജനറല് സെക്രട്ടറി, ശ്രീവല്ലഭക്ഷേത്ര ഉപദേശക സമിതിയുടെ രക്ഷാധികാരി എന്നീ ചുമതലകളിലും പ്രവര്ത്തിച്ചിട്ടുണ്ട് .
30ന് തിരുവല്ല ശ്രിരാമകൃഷ്ണാശ്രമം മഠാധിപതി സ്വാമി നിര്വിണ്ണാനന്ദ മഹാരാജ് പുരസ്ക്കാരം പ്രതാപചന്ദ്ര വര്മ്മയ്ക്ക് നല്കുമെന്ന് ദക്ഷിണ കേരളം മേഖല പ്രസിഡണ്ട് ദിലീപ് പൂപ്പറമ്പില്,സംസ്ഥാന ജനറല് സെക്രട്ടറി സന്തോഷ് സദാശിവമഠം എന്നിവര് പറഞ്ഞു.
