സാഹിത്യമത്സരം; എടൂര്‍ മേഖല ഒന്നാംസ്ഥാനത്ത്

തലശ്ശേരി: ചെറുപുഷ്പമിഷന്‍ലീഗ് തലശ്ശേരി അതിരൂപതാതല സാഹിത്യമത്സരത്തില്‍ 69 പോയിന്റ് നേടി എടൂര്‍ മേഖല ഒന്നാംസ്ഥാനം കരസ്ഥമാക്കി. 61 പോയിന്റോടെ ചെമ്പന്തൊട്ടി രണ്ടാംസ്ഥാനവും 54 പോയിന്റുകള്‍വീതം നേടി ചെമ്പേരി, പനത്തടി മേഖലകള്‍ മൂന്നാംസ്ഥാനവും കരസ്ഥമാക്കി. ഓഗസ്റ്റ് 12 ന് ചെറുകഥ, കവിത, ഉപന്യാസം എന്നീ ഇനങ്ങളിലായി നടത്തിയ സാഹിത്യമത്സരത്തില്‍ 16 മേഖലകളില്‍നിന്നായി 300 ഓളം കുട്ടികള്‍ പങ്കെടുത്തിരുന്നു. ഓരോ ഇനത്തിലും ഒന്നും രണ്ടും സ്ഥാനങ്ങള്‍ നേടിയ കുട്ടികള്‍ 21 ന് കണ്ണൂര്‍ ശ്രീപുരം സ്‌കൂളില്‍വച്ച് നടക്കുന്ന സംസ്ഥാനതല മത്സരത്തില്‍ പങ്കെടുക്കണം. ഇതിനുമുന്നോടിയായി വിജയികളായ കുട്ടികള്‍ക്ക് വേണ്ടി നാളെ വൈകുന്നേരം 6 മണിമുതല്‍ തലശ്ശേരി സന്ദേശഭവനില്‍ നിര്‍മ്മലഗിരി കോളേജ് മലയാളം പ്രൊഫസറും മികച്ച സാഹിത്യകാരനുമായ ഫാ.മാര്‍ട്ടിന്‍ പറപ്പള്ളിയാത്ത് സാഹിത്യ പരിശീലന ശില്‍പ്പശാല നടത്തുന്നതായിരിക്കും. വിജയികളായവര്‍ ഇതില്‍ പങ്കെടുക്കണമെന്ന് അതിരൂപതാ ഡയറക്ടര്‍ ഫാ.ഫ്രാന്‍സീസ് മേച്ചിറാകത്ത് അറിയിച്ചു