കണ്ണൂര്: മുഴക്കുന്ന് മൃദംഗശൈലേശ്വരി ക്ഷേത്രം നവരാത്രി ആഘോഷം 21 മുതല് 30 വരെ വിവിധ പരിപാടികളോടെ ആഘോഷിക്കും 21ന് വൈകുന്നേരം അഞ്ചിന് കോട്ടയത്ത് തമ്പുരാന് നഗര് ഓഡിറ്റോറിയത്തില് നടക്കുന്ന സാംസ്കാരിക സമ്മേളനത്തോട് കൂടി ആഘോഷപരിപാടികള്ക്ക് തുടക്കമാവും. ജിനേഷ് കുമാര് എരമം മുഖ്യപ്രഭാഷണം നടത്തും. തുടര്ന്നുള്ള ദിവസങ്ങളില് പ്രശസ്ത കലാകാരന്മാരുടെ വിവിധ കലാപരിപാടികള് അരങ്ങേറും. 28ന് ഗ്രന്ഥംവെപ്പ്, 29ന് വൈകുന്നേരം വാഹനപൂജ, 30ന് വിജയദശമി നാളില് വിദ്യാരംഭം എന്നിവയും നടക്കും. 30ന് നടക്കുന്ന സാംസ്കാരികസമ്മേളനത്തോടെ ആഘോഷപരിപാടികള്ക്ക് സമാപനമാവും. വാര്ത്താസമ്മേളനത്തില് അജിത്ത് പറമ്പത്ത്, എ.ദാമോദരന്, എ.കെ.മനോഹരന്, എന്.സരസിജന്, മഠത്തില് വിനോജ് എന്നിവര് പങ്കെടുത്തു.
മണിക്കിയില് ഭഗവതി ക്ഷേത്രം നവരാത്രി മഹോത്സവം 21 മുതല്
കണ്ണൂര്: പൊതുവാച്ചേരി മണിക്കിയില് ഭഗവതി ക്ഷേത്രം നവരാത്രി മഹോത്സവം 21 മുതല് 30 വരെ നടക്കും. 21ന് കാലത്ത് ഒമ്പത് മുതല് വൈകീട്ട് അഞ്ച് വരെ ശ്രീമദ് ഭഗവത്ഗീത ഏകദിന മനനസത്രം നടക്കും. പ്രവീണ് പനോന്നേരി ആമുഖ ഭാഷണം നടത്തും. 22ന് നാരായണീയ പാരായണം, ഭജന, 23, 24 തിയ്യതികളില് ആദ്ധ്യാത്മിക പ്രഭാഷണം, 27ന് നൃത്തനൃത്യങ്ങള്, 28ന് വൈകീട്ട് ക്കും. 29ന് വൈകീട്ട് വാഹനപൂജ. തുടര്ന്ന് സോപന നൃത്തം നടക്കും. 25ന് കാലത്ത് ഒമ്പതരക്ക് ക്ഷേത്രം തന്ത്രി ബ്രഹ്മശ്രീ വെള്ളൂരില്ലത്ത് പരമേശ്വരന് നമ്പൂതിരിയുടെ കാര്മികത്വത്തില് ക്ഷേത്രകുളം സമര്പണം നടത്തും. ഭാരതത്തിലെ പ്രധാനപ്പെട്ട 24 നദികളില് നിന്ന് സംഭരിച്ച പുണ്യജലം ക്ഷേത്രക്കുളത്തിലെ ജലവുമായി ലയിപ്പിച്ച് പവിത്രമാക്കുന്നതാണെന്നും അയ്യായിരത്തില്പരം ഏറ്റവും മികച്ച നാടന് ചെങ്കല് മാത്രം കൊണ്ട് നെല്ലിപ്പടിയിന്മേല് ശാസ്ത്രീയമായി നിര്മ്മിച്ചതാണ് കുളമെന്നും സംഘാടകര് പറഞ്ഞു. വാര്ത്താസമ്മേളനത്തില് കെ.പി.കൃഷ്ണകുമാര്, വി.കെ.രാമകൃഷ്ണന്, പി.കെ.രാധാകൃഷ്ണന്, ഇ.ജി.ഉണ്ണികൃഷ്ണന് എന്നിവര് പങ്കെടുത്തു.
