പാലക്കാട്:സദ്ഗുരു ശരവണബാബയുടെ ജന്മദിനാഘോഷം ഒക്ടോബര് ഒന്ന് മുതല് 11 വരെ ശ്രീകൃഷ്ണപുരം ശരവണഭവമഠത്തില് നടക്കും. ഒന്നിന് രാവിലെ 9.30ന് നടക്കുന്ന സേവന പരിപാടികളുടെ ഉദ്ഘാടനം കലാശ്രീ കലാമണ്ഡപം വാസുദേവന് നിര്വ്വഹിക്കും.
പാലക്കാട് റിട്ട. ഹയര്സെക്കണ്ടറി സ്കൂള് പ്രിന്സിപ്പാള് നാരായണന് മാസ്റ്റര് അദ്ധ്യക്ഷത വഹിക്കും. റിട്ട.സബ് ഇന്സ്പെക്ടര് വി.രാജന്, കെ.വി.ഷണ്മുഖന്, എ.പ്രദീപ് എന്നിവര് സംസാരിക്കും.
രണ്ട് മുതല് 9വരെ രാവിലെ 9ന് തന്ത്രി മുഖ്യന് കാലടി പടിഞ്ഞാറേടത്ത് മനയ്ക്കല് ശങ്കരനുണ്ണി നമ്പൂതിരിപ്പാട,് റിട്ട.ഹയര് സെക്കണ്ടറി സ്കൂള് പ്രിന്സിപ്പാള് നൂലേലി മാസ്റ്റര്, ബി.കെ.ചന്ദ്രകുമാര് കല്ലടിക്കോട്. വേണുഗോപാല്, വെള്ളിയേഴി സചീന്ദ്രന്, തെങ്കര പൂജാമഠം രാമചന്ദ്രശര്മ്മ എന്നിവരുടെ ഭക്തിപ്രഭാഷണം നടക്കും.
9ന് രാവിലെ 9ന് പൊതുസ്ഥാപനങ്ങള് ശുചീകരിക്കല്. 10ന് രാവിലെ 9ന് സമ്പൂര്ണ്ണ മെഡിക്കല് ക്യാമ്പ്. 11ന് രാവിലെ 10ന് നടക്കുന്ന സമാപനസഭ സിനി ആര്ട്ടിസ്റ്റ് പെരിങ്ങോട് ശങ്കരനാരായണന് ഉദ്ഘാടനം ചെയ്യും. ശ്രീകൃഷ്ണപുരം പഞ്ചായത്ത് മെമ്പര് മാധവിക്കുട്ടി ടീച്ചര് അധ്യക്ഷത വഹിക്കും. തെങ്കര പൂജാമഠം രാമചന്ദ്രശര്മ്മ മുഖ്യപ്രഭാഷണം നടത്തും.
