ചെങ്ങന്നൂര്: സൈനികര്ക്ക് അര്ഹതപ്പെട്ട ആനുകൂല്യങ്ങള് അനുവദിക്കാന് സര്ക്കാര് തയ്യാറാകണമെന്ന് അഖില ഭാരതീയ പൂര്വസൈനിക് സേവാപരിഷത്ത് ജില്ലാ സമ്മേളനം ആവശ്യപ്പെട്ടു. സേവനം പൂര്ത്തിയാകാതെ വിരമിച്ച സൈനികര്ക്ക് പെന്ഷനും ഇസിഎച്ച്എസ് ആനുകൂല്യങ്ങളും അനുവദിക്കുക തുടങ്ങിയ ആവശ്യങ്ങള് യോഗം ഉന്നയിച്ചു.
ഭാഭാ ആറ്റോമിക് റിസര്ച്ച് സെന്റര് (ബിഎആര്സി) ശാസ്ത്രജ്ഞനായിരുന്ന ഡോ. മോഹനന്സമ്മേളനം ഉദ്ഘാടനം ചെയ്തു. പൂര്വസൈനിക് പരിഷത്ത് ജില്ലാ പ്രസിഡന്റ് കെ.കെ. രാമചന്ദ്രന് അധ്യക്ഷനായി. സംസ്ഥാന ജനറല് സെക്രട്ടറി കമാന്ഡര് റിട്ട. കെ.സി. മോഹനന്പിള്ള മുഖ്യപ്രഭാഷണം നടത്തി.
ജില്ലാ ജനറല് സെക്രട്ടറി വി.എന്. ആനന്ദന് വാര്ഷിക റിപ്പോര്ട്ട് അവതരിപ്പിച്ചു.മുതിര്ന്ന പൂര്വസൈനികരെ ചടങ്ങില് ആദരിച്ചു. കഴിഞ്ഞദിവസം അന്തരിച്ച ക്യാപ്റ്റന് ഗോപിനാഥന്നായരെ യോഗം അനുസ്മരിച്ചു. സംസ്ഥാന സെക്രട്ടറി കേണല് മാവേലിക്കര ഗോപകുമാര്, മധു വട്ടവിള, കേണല് റാം മോഹന്, ലഫ്്.രവീന്ദ്രന്, ടി.എന് മോഹനന്പിള്ള, മാതൃശക്തി ജില്ലാ പ്രസിഡന്റ് ഉഷാകുമാര് എന്നിവര് പ്രസംഗിച്ചു.
