അമ്പലപ്പുഴ/അരൂര്: വില്പ്പനക്കെത്തിച്ച കഞ്ചാവുമായി മൂന്ന് യുവാക്കളെ പോലീസ് പിടികൂടി. വടക്കന് പറവൂര് കൈതാരം കൊടുവള്ളി പയ്യപള്ളി വിഷ്ണു (20) മാളിയേക്കാട് വീട്ടില് സജിത് (19) കുന്നമ്മാവ് കളരീത്തറ അബിന് (18) എന്നിവരെയാണ് ജില്ലാ പോലീസ് ചീഫിന്റെ കീഴിലുള്ള പ്രത്യേക സംഘത്തിന്റെ സഹായത്തോടെ അമ്പലപ്പുഴ എസ്ഐ പ്രതീഷ് കുമിറിന്റെ നേതൃത്വത്തിലുള്ള പോലീസ് പിടികൂടിയത്. അമ്പലപ്പുഴ റെയില്വേ സ്റ്റേഷനില് കഴിഞ്ഞ രാത്രി 11 മണിയോടെയാണ് മൂവരെയും ഒരു കിലോ 300 ഗ്രാം കഞ്ചാവുമായി അറസ്റ്റു ചെയ്തത്. ട്രെയിനില് ഇവര് അമ്പലപ്പുഴയില് കഞ്ചാവു വില്ക്കുന്നതിനായി എത്തിയതായിരുന്നു. രഹസ്യവിവരം ലഭിച്ചതനെ തുടര്ന്നു നടത്തിയ അന്വേഷണത്തിലാണ് അവരും വലയിലായത്. ഇവരെ അമ്പലപ്പുഴ കോടതിയില് ഹാജരാക്കി.
അരൂരില് കഞ്ചാവുമായി യുവാവ് പിടിയില്. എഴുപുന്ന കുടപുത്തുംതറ സുധീഷി (23)നെയാണ് എരമല്ലൂര് കുടപുറം കടത്തിന് സമീപത്ത് നിന്ന് കുത്തിയതോട് എക്സൈസ് സംഘം പിടികൂടിയത്. നിരവധി കേസില് പ്രതിയാണ് ഇയാളെന്ന് ഉദ്യോഗസ്ഥര് പറഞ്ഞു. മുപ്പതു ഗ്രാം കഞ്ചാവ് ഇയാളില് നിന്ന് കണ്ടെടുത്തു. ഇന്സ്പെക്ടര് ജെര്സണ് ജോസഫിന്റെ നേതൃത്വത്തിലുള്ള സംഘമാണ് ഇയാളെ പിടികൂടിയത്.
