ഓസ്റ്റിന്: സാത്താന് ആരാധയുടെ ഭാഗമായി കുട്ടികളെ പീഡനത്തിനിരയാക്കിയെന്ന കേസില് 21 വര്ഷം ജയില്വാസം അനുഭവിക്കുകയും ഒടുവില് കുറ്റക്കാരല്ലെന്ന് കണ്ട് വിട്ടയക്കപ്പെടുകയും ചെയ്ത അമേരിക്കന് ദമ്പതികള്ക്ക് 3.4 കോടി ഡോളര് (ഏകദേശം 21 കോടി രൂപ) നഷ്ടപരിഹാരം.
ഫ്രാന് കെല്ലറും ഭാര്യ ഡാന് കെല്ലറുമാണ് 21 വര്ഷത്തെ ശിക്ഷയ്ക്കു ശേഷം നിരപരാധികളാണെന്നു കണ്ടെത്തി വിട്ടയക്കപ്പെട്ടത്. 2013 ലായിരുന്നു ഇവര്ക്കെതിരേയുള്ള കേസ് വ്യാജമായിരുന്നുവെന്ന് കണ്ടെത്തി ഇരുവരും വിട്ടയക്കപ്പെട്ടത്. തുടര്ന്നാണ് അനധികൃതമായി ജയിലിലടയ്ക്കപ്പെട്ടതിന് കോടതി ഇവര്ക്ക് നഷ്ടപരിഹാരം അനുവദിച്ചത്.
ടെക്സാസിലെ ഓസ്റ്റിനില് ഡേ കെയര് നടത്തിപ്പുകാരായിരുന്ന ദമ്പതികള് സാത്താന് ആരാധന നടത്തിയിരുന്നുവെന്നും ഇതിന്റെ ഭാഗമായി ഡേ കെയറിലെ കുട്ടികളെ ലൈംഗികമായി പീഡിപ്പിക്കുകയും ചെയ്തുവെന്നായിരുന്നു കേസ്. 1992 ലായിരുന്നു കേസില് ഇവര് ജയിലിലായത്. കേസില് വിചാരണ വര്ഷങ്ങള് നീണ്ടു. ഇവര്ക്കെതിരേ വ്യക്തമായ തെളിവുകള് ഒന്നും കണ്ടെത്താന് കഴിയാതിരുന്നതിനെ തുടര്ന്ന് 2013 ല് ഇവരെ ജയിലില് നിന്ന് വിട്ടയച്ചിരുന്നു. അപ്പോഴേക്ക് രണ്ടു പതിറ്റാണ്ട് പിന്നിട്ടിരുന്നു. നാലു വര്ഷം മുന്പ് ജയിലില് നിന്ന് മോചിതരായെങ്കിലും കേസില് ഇരുവരും നിരപരാധികളാണെന്ന കോടതി ഉത്തരവ് വന്നത് ഈ വര്ഷം ജൂണിലാണ്.
നഷ്ടപരിഹാരമായി ലഭിച്ച തുക തങ്ങള്ക്ക് ഏറെ ആശ്വാസമാണെന്ന് ദമ്പതികള് പറഞ്ഞു. ജയില് മോചിതരായ ശേഷം കഴിഞ്ഞ നാലുവര്ഷമായി കടുത്തദാരിദ്ര്യത്തിലായിരുന്നു തങ്ങളുടെ ജീവിതമെന്ന് അവര് പറഞ്ഞു. ക്രിമിനല് പശ്ചാത്തലമുണ്ടെന്ന രേഖയുള്ളതിനാല് ജോലികള് ഒന്നും ലഭിച്ചില്ല. തങ്ങളുടെ ജീവിതത്തില് വീണ കരിനിഴല് മാറിയതിലും ഏറെ സന്തോഷമുണ്ടെന്ന് ഫ്രാന് കെല്ലറും ഡാന് കെല്ലറും വ്യക്തമാക്കി.
