ആലപ്പുഴ: വിനായക ചതുര്ത്ഥി ഇന്ന്. ക്ഷേത്രങ്ങളില് വിശേഷാല് ഗണപതിഹോമം, അഷ്ടദ്രവ്യ മഹാ ഗണപതി ഹോമം, പൂജകളും വഴിപാടുകളും നടക്കും. ക്ഷേത്രങ്ങളുടെയും വിവിധ സംഘടനകളുടെയും ഭക്തജന സമിതികളുടെയും നേതൃത്വത്തില് ഗണേശോത്സവം വിപുലമായി ആഘോഷിക്കും. വൈകിട്ട് വിഗ്രഹ നിമഞ്ജന ഘോഷയാത്രയോടെ പരിപാടികള് സമാപിക്കും.
മുല്ലയ്ക്കല് വടക്കുവാസല് ശെല്വി വിനായകര് കോവിലില് വിനായക ചതുര്ത്ഥി ഇന്ന്. 11.30ന് കളഭാഭിഷേകം, രാത്രി 7ന് ഭക്തിഗാനമേള.
ഗണേശോത്സവ സമിതിയുടെ ആഭിമുഖ്യത്തില് മുഹമ്മ കൊച്ചനാകുളങ്ങരയില് വിനായക ചതുര്ത്ഥി ആഘോഷം 25ന് മഹാഗണപതി ഹോമത്തോടെ ആരംഭിക്കും. 27ന് വിഗ്രഹ നിമഞ്ജനഘോഷയാത്രയോടെ സമാപിക്കും.
കായിപ്പുറം അന്തശയനേശ്വര ക്ഷേത്രത്തില് 25ന് വിനായക ചതുര്ത്ഥി ആഘോഷം നടക്കും. പുലര്ച്ചെ 5.30ന് മേല്ശാന്തി തുറവൂര് മണിക്കുട്ടന്റെ നേതൃത്വത്തില് മഹാഗണപതി ഹോമം നടക്കും.
ആര്യക്കര ഭഗവതി ക്ഷേത്രത്തില് വിനായക ചതുര്ത്ഥി മഹോത്സവം നടക്കും. പുലര്ച്ചെ 5.30ന് മഹാഗണപതി ഹോമം.
ചേര്ത്തലയില് ആഘോഷസമിതിയുടെ ആഭിമുഖ്യത്തില് 25, 26, 27 തീയതികളില് സാര്വജനിക ഗണേശോത്സവം നടക്കും. 25 ന് രാവിലെ പത്തിന് കുറ്റിക്കാട്ട് ഭദ്രകാളി ക്ഷേത്രത്തില് ഗണേശ വിഗ്രഹം പ്രതിഷ്ഠിക്കും. 27 ന് രാവിലെ 9.30 ന് വിഗ്രഹം ഏറ്റുവാങ്ങി ഇടത്തില് വിജ്ഞാന സന്ദായിനി മഹാവിഷ്ണു ക്ഷേത്രത്തില് എത്തിക്കും. ഉച്ചയ്ക്ക് രണ്ടിന് ശിവപുരി കടപ്പുറത്തേക്ക് നിമജ്ജന ഘോഷയാത്ര നടക്കും.
ചേര്ത്തല കണ്ടമംഗലം ആറാട്ടുകുളം ശക്തിവിനായക ക്ഷേത്രത്തില് ഗണേശോത്സവം ഇന്ന് തുടങ്ങും. 27 ന് സമാപിക്കും. രാവിലെ ഏഴിന് മാധവബാലസുബ്രഹ്മണ്യം ഭദ്രദീപ പ്രകാശനം നിര്വഹിക്കും. തുടര്ന്ന് വിനായക വിഗ്രഹ പ്രതിഷ്ഠ,
27 ന് ഉച്ചയ്ക്ക് മൂന്നിന് വിഗ്രഹനിമഞ്ജന ഘോഷയാത്ര. ക്ഷേത്രത്തില് നിന്ന് ആരംഭിച്ച് ശിവപുരി കടപ്പുറത്ത് എത്തിച്ചേരും. തുടര്ന്ന് മഹാഗമപതിഹോമവും നിമഞ്ജനവും, വൈകിട്ട് ഏഴിന് ദീപക്കാഴ്ച.
പ്രതികരിക്കാൻ ഇവിടെ എഴുതുക: