ചെങ്ങന്നൂര്: ആറന്മുളയില് പ്രഖ്യാപിച്ച മിച്ചഭൂമി പട്ടികജാതി വിഭാഗങ്ങളില് ഭൂമിയില്ലാത്തവര്ക്ക് പതിച്ചു നല്കണമെന്ന് ഓള് കേരള പുലയര് മഹാസഭ (എകെപിഎംഎസ്) ആവശ്യപ്പെട്ടു. ചെങ്ങന്നൂര് യൂണിയന് വാര്ഷിക സമ്മേളനത്തിലാണ് ആവശ്യം ഉയര്ന്നത്.
കേരള ബാങ്ക് നയരൂപവത്കരണത്തില് സാധാരണക്കാരന് നിയമ പരിരക്ഷ ഉറപ്പുവരുത്തുക, ശബരിമലയുടെ വികസനത്തിന് സര്ക്കാര് ഏറ്റെടുത്ത ഭൂമിയില് തൊഴിലിനെത്തുന്നവരെ സംരക്ഷിക്കുക തുടങ്ങിയ ആവശ്യങ്ങളും യോഗം ഉന്നയിച്ചു. സംസ്ഥാന പ്രസിഡന്റ് എം.കെ. വാസുദേവന് ഉദ്ഘാടനം ചെയ്തു.
കെ.ജെ. ജയകുമാര് അദ്ധ്യക്ഷനായി. സമാപന സമ്മേളനം സംസ്ഥാന ജനറല് സെക്രട്ടറി വി.കെ. ഗോപി ഉദ്ഘാടനം ചെയ്തു. സംസ്ഥാന ട്രഷറര് മണ്ണില് രാഘവന്, ടി.പി. രാജന്, പി.ആര്. ശ്രീധരന്, ചന്ദ്രലേഖ ഉത്തമന്, പ്രസന്ന ഷാജി, സുജ ദേവി തുടങ്ങിയവര് പ്രസംഗിച്ചു.
ഭാരവാഹികള് : കെ.ജെ. ജയകുമാര് (പ്രസിഡന്റ്), വി.കെ. യശോധരന് (സെക്രട്ടറി), പി.ഡി. വിശ്വംഭരന് (ഖജാന്ജി).
