കാഞ്ഞങ്ങാട്: സംഘര്ഷം നിലനില്ക്കുന്ന മാവുങ്കാലില് സ്റ്റുഡിയോ ഉടമയായ ഫോട്ടോഗ്രാഫര്ക്ക് നേരെ പോലീസ് അതിക്രമം. കഴിഞ്ഞ ദിവസം വ്യാപാര സ്ഥാപനങ്ങള്ക്ക് നേരെയുണ്ടായ അക്രമങ്ങളില് പ്രതിഷേധിച്ച് മാവുങ്കാലില് ഇന്നലെ ഹര്ത്താല് ആചരിച്ച വ്യാപാരികള് പ്രതിഷേധ യോഗം നടത്തിയിരുന്നു. ഈ പരിപാടിയുടെ ചിത്രം പകര്ത്താനെത്തിയ കാഞ്ഞങ്ങാട്ടെ ആശിര്വാദ് സ്റ്റുഡിയോ ഉടമയും സ്വതന്ത്ര പ്രസ് ഫോട്ടോഗ്രാഫറുമായ ആര്.സുകുമാരനെതിരെയാണ് യാതൊരു പ്രകോപനവുമില്ലാതെ പോലീസ് അതിക്രമം നടന്നത്. ഹൊസ്ദുര്ഗ് പോലീസ് സ്റ്റേഷനിലെ ഒരു അഡീഷണല് എസ്ഐയുടെ നേതൃത്വത്തില് സുകുമാരനെ തടയുകയും അദ്ദേഹം സഞ്ചരിച്ച ഇരു ചക്ര വാഹനം കസ്റ്റഡിയിലെടുക്കുകയും ചെയ്തു. ഈ വാഹനം പിന്നീട് ഹൊസ്ദുര്ഗ് സര്ക്കിള് ഇന്സ്പെക്ടര് സി.കെ.സുനില്കുമാര് ഇടപെട്ട് തിരികെ നല്കി. സുകുമാരനെതിരെയുളള പോലീസ് അതിക്രമം ശ്രദ്ധയില്പ്പെട്ട മാവുങ്കാലിലെ നാട്ടുകാരും പോലീസിനെതിരെ തിരിഞ്ഞുവെങ്കിലും ഉന്നത പോലീസ് ഉദ്യോഗസ്ഥര് ഇടപെട്ട് രംഗം ശാന്തമാക്കുകയായിരുന്നു.
ഫോട്ടോഗ്രാഫര്ക്ക് നേരെയും പോലീസ് അതിക്രമം
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.