കാഞ്ഞങ്ങാട്: മാവുങ്കാല് പുതിയകണ്ടം അജാനൂര് ശ്രീമദ് പരഃശിവ വിശ്വകര്മ്മ ക്ഷേത്ര നവീകരണ പ്രവര്ത്തനങ്ങളില് സാമുദായിക കൂട്ടായ്മ വര്ദ്ധിപ്പിക്കുന്നതിനും, ഭക്തജനങ്ങളുടെ ഐശ്വര്യാഭിവൃദ്ധിക്കും നാളെ ഐകമത്യ സൂക്തജപവും ഗണപതി ഹോമവും നടക്കും. രാവിലെ 5ന് വിശ്വകര്മ്മ ക്ഷേത്രം തന്ത്രിവര്യന് മൈസൂര് കരസ്ഥല നാഗലിംഗ ഗുരുസ്വാമി മഠാധിപരുടെ പൗത്രന് സിദ്ധലിംഗ സ്വാമികള് കാര്മ്മികത്വം വഹിക്കും.
ക്ഷേത്രത്തില് എത്തുന്ന സ്വാമിയെ ഇന്ന് വൈകുന്നേരം 6ന് പൂര്ണ്ണകുംഭത്തോട് കൂടി ആനയിക്കും. നാളെ രാവിലെ 4.30ന് നടതുറക്കല്, 5ന് പ്രഭാതപൂജ, 5.30ന് ഐകമത്യ സൂക്തജപവും ഗണപതി ഹോമവും, 12ന് മദ്ധ്യാഹ്നപൂജ, ഉച്ചയ്ക്ക് അന്നദാനം. 2.30ന് ക്ഷേത്ര നവീകരണ കമ്മറ്റിയുടെ ഇടക്കാല ജനറല്ബോഡി യോഗം സഭാമന്ദിരത്തില് ചേരും. മുഴുവന് സമുദായ ബന്ധുക്കളും, ഭക്തജനങ്ങളും സംബന്ധിക്കണമെന്ന് ക്ഷേത്ര പ്രസിഡന്റ് പി.കെ.രാമകൃഷ്ണന് ആചാരി, ജനറല് സെക്രട്ടറി മോഹനന് താമരക്കുഴി, നവീകരണ കമ്മിറ്റി ചെയര്മാന് പുരുഷോത്തമന് എന്നിവര് അറിയിച്ചു.
