കൊച്ചി: ലോക അത്ലറ്റിക് ചാമ്പ്യന്ഷിപ്പിനുള്ള ഇന്ത്യന് ടീമില് നിന്ന് പി.യു ചിത്രയെ ഒഴിവാക്കിയതിനെ ന്യായീകരിച്ച അത്ലറ്റിക് ഫെഡറേഷന് ഓഫ് ഇന്ത്യയുടെ നടപടിക്കെതിരെ സംസ്ഥാന അത്ലറ്റിക് അസോസിയേഷന് രംഗത്ത്. ഫെഡറേഷന്റെ വാദങ്ങള് തെറ്റാണെന്നും പി.യു ചിത്രക്ക് നീതി നിഷേധിച്ചെന്നും ഫെഡറേഷന് അയയ്ച്ച കത്തില് അസോസിയേഷന് വ്യക്തമാക്കി.ലോകചാമ്പ്യന്ഷിപ്പിനുളള ഇന്ത്യന് ടീമിനെ തെരഞ്ഞെടുക്കുന്നതിനുള്ള മാനദണ്ഡങ്ങള് പരിഷ്ക്കരിക്കണമെന്നും അസോസിയേഷന് ആവശ്യപ്പെട്ടു.
തഴയപ്പെട്ട സുധ സിങിന്റെയും അജയ് കുമാര് സരോജിന്റെയും കാര്യത്തില് സമാനമായത് തന്നെയാണ് സംഭവിച്ചത്. ഇത്തരം വിവേചനങ്ങള് താരങ്ങളുടെ അഭിനിവേശത്തെയും ധാര്മികതയെയും ബാധിക്കും. ഏഷ്യന് മീറ്റിലെ മെഡല് ജതാക്കളെല്ലാം ഗുണ്ടൂരില് നടന്ന ഇന്ര് സ്റ്റേറ്റ് സീനിയര് ചാമ്പ്യന്ഷിപ്പില് പങ്കെടുക്കണമെന്നായിരുന്നു ഫെഡറേഷന്റെ നിര്ദ്ദേശം. ഇത് പാലിച്ചില്ലെന്ന് പറഞ്ഞാണ് സുധ സിങിനെ ടീമില് നിന്ന് ഒഴിവാക്കിയത്. എന്നാല് ജിസ്ന മാത്യു, പൂവമ്മ, ആരോക്യ രാജീവ് എന്നിവരടക്കം ലോക ചാമ്പ്യന്ഷിപ്പ് ടീമിലുള്ള ഏഴു താരങ്ങള് ഗുണ്ടൂരിലെ മീറ്റില് പങ്കെടുത്തവരല്ല. ഗുണ്ടൂരില് ലോങ്ജമ്പില് മത്സരിച്ച സ്വപ്ന ബര്മന് ഹെപ്റ്റാത്ത്ലണിലാണ് ലോക മീറ്റിന് എന്ട്രി നല്കിയിരിക്കുന്നത്.
പി.യു ചിത്രയെ ഒഴിവാക്കിയതിനുള്ള കാരണമായി ഫെഡറേഷന് പറയുന്നത് ഏഷ്യന് മീറ്റിനേക്കാള് മോശം പ്രകടനമാണ് ഗുണ്ടൂരിലേതെന്നാണ്. ഏഷ്യന് മീറ്റു കഴിഞ്ഞ് അഞ്ചു ദിവസത്തിന് ശേഷമായിരുന്നു ഗുണ്ടൂര് മീറ്റ്. സ്വഭാവികമായും അത്ലീറ്റുകളുടെ പ്രകടനത്തില് മാറ്റമുണ്ടാകും. ഗുണ്ടൂര് മീറ്റില് നിര്ബന്ധമായും പങ്കെടുക്കണമെന്ന നിര്ദ്ദേശത്തെ തര്ന്നാണ് ചിത്ര മീറ്റില് പങ്കെടുത്തത്.
എന്നാല് സ്വപ്ന ബര്മന് നല്കിയ പരിഗണന ചിത്രക്ക് നല്കിയില്ല. റിലേ ടീം തെരഞ്ഞെടുപ്പില് മുന് മീറ്റിലെ പ്രകടനം മാനദണ്ഡമാക്കിയപ്പോള് ചിത്രയുടെ കാര്യത്തില് ഏറ്റവും ഒടുവിലത്തെ മീറ്റിലെ പ്രകടനമാണ് ് മാനദണ്ഡമാക്കിയതെന്നും ആരോപിക്കുന്നു.
