ചെസ്റ്റര്ഫീല്ഡ്: മന്ജ്യോത് കല്റയുടെ സെഞ്ചുറിയും കമലേഷ് നാഗര്ക്കോട്ടിയുടെ പത്ത് വിക്കറ്റ് നേട്ടവും ഇന്ത്യന് അണ്ടര്-19 ടീമിന് വിജയമൊരുക്കി. ഇംഗ്ലണ്ടിനെതിരായ ചതുര്ദിന ഒന്നാം ക്രിക്കറ്റ് ടെസ്റ്റില് അവര് 334 റണ്സിന്റെ വമ്പന് വിജയം കരസ്ഥമാക്കി.
ആദ്യ ബാറ്റേന്തിയ ഇന്ത്യ മന്ജ്യോത് (122), ഹാര്വിക്ക് ദേശായി (89), പൃഥ്വി ഷാ (86), റിയാന് പരാഗ് ദാസ് (68) എന്നിവരുടെ മികവില് ആദ്യ ഇന്നിംഗ്സില് 519 റണ്സ് നേടി.
ഇന്ത്യയുടെ കൂറ്റന് സ്കോറിന് മറുപടി പറഞ്ഞ ഇംഗ്ലണ്ട് 54.2 ഓവറില് 195 റണ്സിന് ഓള് ഔട്ടായി. 46 റണ്സെടുത്ത വില് ജാക്കസാണ് ഇംഗ്ലണ്ടിന്റെ ടോപ്പ് സ്കോറര്. ഇന്ത്യയ്ക്കുവേണ്ടി നാഗര്കോട്ടിയും ശിവം മാവിയും അഞ്ചു വിക്കറ്റുകള് വീതമെടുത്തു.
രണ്ടാം വിക്കറ്റില് ഇന്ത്യ ആറു വിക്കറ്റിന് 173 റണ്സ് നേടി ഇന്നിങ്ങ്സ് അവസാനിപ്പിച്ചു.ഇതോടെ ഇംഗ്ലണ്ടിന്റെ വിജയലക്ഷ്യം 497 റണ്സായി. രണ്ടാം ഇന്നിംഗ്സില് ഇംഗ്ലണ്ട് 46.1 ഓവറില് 163 റണ്സിന് പുറത്തായി.
സ്കോര്: ഇന്ത്യ: 519, ആറിന് 173. ഇംഗ്ലണ്ട്:195,163
