കോട്ടയം: കോട്ടയം, ആലപ്പുഴ, പത്തനംതിട്ട ജില്ലകള് ഉള്പ്പെടുന്ന ലയണ്സ് ഡിസ്ട്രിക്ട് 318 ബിയുടെ ഗതാഗത സുരക്ഷാ പദ്ധതികളുടെ ഉദ്ഘാടനവും പരിശീലന പരിപാടിയപം ശനിയാഴ്ച നടക്കും. ലയണ്സ് റോഡ് സുരക്ഷാപദ്ധതി രാവിലെ 9.30ന് കോട്ടയം ബിസിഎം കോളേജില് തിരുവഞ്ചൂര് രാധാകൃഷ്ണന് എംഎല്എ ഉദ്ഘാടനം ചെയ്യും. പ്രോജക്ട് ചെയര്മാന് എം.പി. രമേഷ്കുമാര് അദ്ധ്യക്ഷനാകും. ഇന്സ്പെക്ടര് ജനറല് ഓഫ് പോലീസ് പി. വിജയന് മുഖ്യാതിഥിയാകും. ട്രാഫിക് മേഖലയില് മികച്ച സേവനം നടത്തിയ പൊതുജനങ്ങള്, ഡ്രൈവര്മാര്, പോലീസ് ഉദ്യോഗസ്ഥര് തുടങ്ങിയവര്ക്ക് അവാര്ഡുകള് നല്കും. ട്രാഫിക് നിയമലംഘനം കണ്ടെത്തി പോലീസ് വാട്സ് ആപ്പ് നമ്പറില് അറിയിച്ചാല് (9747001099) അധികാരികള് നടപടി സ്വീകരിക്കും. അടിയന്തിര സാഹചര്യങ്ങളില് പൊതുജനങ്ങള് അറിഞ്ഞിരിക്കേണ്ട ഫോണ് നമ്പറുകള് രേഖപ്പെടുത്തിയ 100 ബോര്ഡുകള് പൊതുസ്ഥലങ്ങളില് പ്രദര്ശിപ്പിക്കും. വിവിധ സ്ഥലങ്ങളിലായി നാറ്റ് പാക്കിന്റെ അനുവാദത്തോടെ 100 വെയിറ്റിംഗ് ഷെഡുകള് നിര്മ്മിച്ച് ഗതാഗത നിയമങ്ങള് പ്രദര്ശിപ്പിക്കുമെന്ന് ലയണ്സ് ഭാരവാഹികള് പറഞ്ഞു. പത്രസമ്മേളനത്തില് ജി. വേണുകുമാര്, എം.പി. രമേഷ്കുമാര്, ഷാജിലാല് എന്നിവര് പങ്കെടുത്തു.
ഗതാഗത സുരക്ഷാ പദ്ധതികളുടെ ഉദ്ഘാടനം
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.