കണ്ണൂര്: കര്ണ്ണാടകം, മഹാരാഷ്ട്ര, യുപി മാതൃകയില് കേരളത്തിലെയും കാര്ഷിക ലോണുകള് എഴുതിത്തള്ളണമെന്ന് സോഷ്യലിസ്റ്റ് കിസാന് ജനതാദള് ജില്ലാ കൗണ്സില് യോഗം സംസ്ഥാന സര്ക്കാറിനോടാവശ്യപ്പെട്ടു. മാധ്യപ്രദേശ്, യുപി സംസ്ഥാനങ്ങളിലെ എന്ഡിഎ സര്ക്കാറുകള് നടപ്പിലാക്കിവരുന്ന കാര്ഷിക പാക്കേജുകള് കേരളത്തിലും നടപ്പിലാക്കി കര്ഷകര് അനുഭവിക്കുന്ന ദുരിതങ്ങള്ക്ക് അറുതിവരുത്തണമെന്നും യോഗം ആവശ്യപ്പെട്ടു. ചിങ്ങം 1 കര്ഷക ദിനമായ ജില്ലയില് സമുചിതമായി ആഘോഷിക്കുവാന് യോഗം തീരുമാനിച്ചു.
ജില്ലാതല കര്ഷക ദിനാചരണം ഉളിക്കലില്വെച്ച് നടത്തും. യോഗത്തില് സോഷ്യലിസ്റ്റ് കിസാന് ജനതാദള് ജില്ലാ ആക്ടിംഗ് പ്രസിഡണ്ട് രവീന്ദ്രനാഥ് അധ്യക്ഷത വഹിച്ചു. സംസ്ഥാന ജനറല് സെക്രട്ടറി എ.കെ.സതീഷ് ചന്ദ്രന്മാസ്റ്റര് ഉദ്ഘാടനം ചെയ്തു. സംസ്ഥാന വൈസ് പ്രസിഡണ്ട് കളത്തിങ്കല് ബി.സുരേഷ്കുമാര് മുഖ്യ പ്രഭാഷണം നടത്തി. ജില്ലാ സെക്രട്ടറി ഉഷ മടപ്പുര സ്വാഗതം പറഞ്ഞു. ചെറിയാന് തോട്ടുങ്കല്, പി.കെ.രാജീവന്, എം.കെ.സുശീല്കുമാര്, ദേവദാസ് നമ്പ്യാര്, മേരി ജോസ്, വി.കല്ല്യാണി, സത്യന് കാഞ്ഞിരക്കൊല്ലി എന്നിവര് പ്രസംഗിച്ചു. ഇ.എ.ശ്യാം നന്ദിപറഞ്ഞു.
