ആലപ്പുഴ: റേഷന് കാര്ഡ് വിതരണം ആദ്യഘട്ടം പൂര്ത്തിയാകുന്നു. കുട്ടനാട്, മാവേലിക്കര, ചെങ്ങന്നൂര് താലൂക്കുകളില് അടുത്ത ദിവസങ്ങളിലുമായി വിതരണം പൂര്ത്തിയാകും,
ജില്ലയില് ആകെ 5,51,737 റേഷന് കാര്ഡുകളാണുള്ളത്. ഇതില് നാലു ലക്ഷത്തിലേറെ കാര്ഡുകള് വിതരണം ചെയ്തു കഴിഞ്ഞു. റേഷന് കടകളിലെത്തി കാര്ഡ് സ്വീകരിക്കാന് കഴിയാത്തവര്ക്കായി രണ്ടാം ഘട്ട വിതരണം ഉടന് ആരംഭിക്കും. അക്ഷര തെറ്റുകളെക്കുറിച്ചുള്ള പരാതികളും മുന്ഗണനപ്പട്ടിക സംബന്ധിച്ച തര്ക്കങ്ങളും തുടരുകയാണ്.
ബിപിഎല് വിഭാഗത്തില് 2,01,339 കാര്ഡുകളും അന്ത്യോദയ അന്നയോജന വിഭാഗത്തില് 1,95,957 കാര്ഡും സംസ്ഥാന മുന്ഗണന വിഭാഗത്തില് 1,13,159 കാര്ഡുകളുമാണുള്ളത്. നാലു നിറത്തിലുള്ള കാര്ഡുകളാണ് ഇത്തവണയുള്ളത്.
കാര്ഡിലെ അക്ഷര തെറ്റുകള് തിരുത്തുവാന് ഇനിയും കാത്തിരിക്കേണ്ടിവരും. സെപ്തംബറില് താലൂക്ക് സപ്ലൈ ഓഫിസുകളില് ഇതിനുള്ള ക്രമീകരണം ഏര്പ്പെടുത്തും. ബിപിഎല് കാര്ഡ് സംബന്ധിച്ച് അനേകം പരാതികള് ലഭിക്കുന്നുണ്ട്.
അര്ഹരായ അനേകം പേര്ക്കു മുന്ഗണന കാര്ഡ് ലഭിക്കാതെ വന്നിട്ടുണ്ട്. ഇവരുടെ പരാതികള് സ്വീകരിച്ചു സ്ഥലം സന്ദര്ശിച്ചു പരിശോധന നടത്തി റിപ്പോര്ട്ട് നല്കുവാനാണു തീരുമാനം.
