കുന്നംകുളം : കടവല്ലൂര് സിപിഎം സൗത്ത് ലോക്കല് സെക്രട്ടറിയും മുന് വാര്ഡ് മെമ്പറുമായ വ്യക്തി മാനദണ്ഡങ്ങള് പാലിക്കാതെ പാവങ്ങള്ക്ക് ലഭിക്കേണ്ട ഫണ്ട് തട്ടിയെടുത്തതായി പരാതി. 2014-15 വര്ഷകാലത്തെ ഭവന നിര്മ്മാണ ഫണ്ട് ഉപയോഗിച്ചാണ് തട്ടിയെടുപ്പ് നടത്തിയത്.
710 സ്ക്വയര് ഫീറ്റ് വീടുകള്ക്ക് അനുവദിനീയമായ ഫണ്ടാണ് 1500 ഓളം സ്ക്വയര്ഫീറ്റ് അളവില് വീടുള്ള പാര്ട്ടി നേതാവ് ഭരണ സ്വാധീനം ഉപയോഗിച്ചു തട്ടിയെടുത്തത്.
തിരിച്ചടവില്ലാത്ത തുക മൊത്തം 4 ഗഡുക്കളായിട്ടാണ് വിതരണം ചെയ്യുന്നത്. ആരോപണ വിധേയനായ നേതാവ് മൂന്ന് തവണയായി പണം കൈപ്പറ്റി.
ആശാരി മനോഹരന്, പോസ്റ്റുമാഷ് പരമേശ്വരന്റെ ജ്യേഷ്ഠന് ബാലന്റെ മകള് തുടങ്ങിയ പാവപ്പെട്ടവര്ക്ക് കൊടുക്കേണ്ട തുക തടഞ്ഞു വെച്ചാണ് ഇവര് ഇതു തട്ടിയെടുത്തത്. നേതാവിന്റെ ഭാര്യ ഡി വൈഎഫ്ഐ ജില്ലാ കമ്മിറ്റി അംഗമാണ.് അവരുടെ പേരിലാണ് ഭവന നിര്മ്മാണത്തിനുള്ള ഫണ്ട് അനുവദിച്ച് കിട്ടിയത്.
