കണ്ണൂര്: ചട്ടംലംഘിച്ച് നിര്മ്മാണം നടത്തിയെന്നാരോപിച്ച് കണ്ണൂരിലെ സ്വകാര്യ ആശുപത്രിക്കെതിരെ ജില്ല കലക്ടര്ക്ക് പരാതി നല്കി. കണ്ണൂര് താണയിലെസ്പെഷ്യാലിറ്റി ആശുപത്രിക്കെതിരെയാണ് താണ മുനിസിപ്പല് ക്വാര്ട്ടേഴ്സിലെ കല്ലാളത്തില് ഹൗസില് കെ.രഞ്ജിത്ത് എന്നയാള് പരാതി നല്കിയത്. ആശുപത്രിയില് പ്രവര്ത്തിക്കുന്ന മെഡിക്കല് ഷോപ്പ് ലൈസന്സില്ലാതെയും മരുന്നുകള് സൂക്ഷിക്കുന്നത് സുരക്ഷയില്ലാതെയുമാണെന്ന് പരാതിയില് പറയുന്നു. ഇതു സംബന്ധിച്ച് ഡ്രഗ് ഇന്സ്പെക്ടര്ക്ക് പരാതി നല്കിയിരുന്നെങ്കിലും ഇതുവരെയും യാതൊരു നടപടിയുമുണ്ടായിട്ടില്ല. ഗ്രൗണ്ട് ഫ്ളോറില് സ്ഥിതി ചെയ്യുന്ന മെഡിക്കല് ഷോപ്പ് പാര്ക്കിങ്ങിനായി പ്ലാനില് കാണിച്ച സ്ഥലത്താണ് പ്രവര്ത്തിക്കുന്നത്. കുടിവെള്ളത്തിനായുള്ള മഴവെള്ള സംഭരണികളും സെപ്റ്റിക് ടാങ്കുകളും അടുത്തായതു കൊണ്ട് ജലമലിനീകരണത്തിനും സാധ്യതയുണ്ട്. അര്ദ്ധരാത്രി കക്കൂസ് മാലിന്യങ്ങള് പൈപ്പ് വഴി ഓവുചാലുകളില് ഒഴുക്കിവിടുകയാണ് പതിവെന്നും പരാതിയില് പറയുന്നു. കണ്ണൂര് കോര്പറേഷന്, പൊല്യൂഷന് കണ്ട്രോള് ബോര്ഡ്, ആരോഗ്യ വകുപ്പ്, ബില്ഡിങ് വിഭാഗം തുടങ്ങിയവയിലേക്ക് പരാതി നല്കിയിരുന്നെങ്കിലും ഇതുവരെ നടപടിയുണ്ടായിട്ടില്ല. ആവശ്യമായ ലൈസന്സ് ഇല്ലാതെയും അടിസ്ഥാന സൗകര്യങ്ങളില്ലാതെയുമാണ് ആശുപത്രി പ്രവര്ത്തിക്കുന്നതെന്നും പരാതിയില് പറയുന്നു.
ചട്ടലംഘനം: സ്വകാര്യ ആശുപത്രിക്കെതിരെ പരാതി
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.