കൊച്ചി: യാത്രാ സര്വീസ് ദീര്ഘിപ്പിക്കുന്നതിന് മുന്നോടിയായി പാലാരിവട്ടം മുതല് മഹാരാജാസ് കോളേജ് വരെയുള്ള കൊച്ചി മെട്രോയുടെ ട്രയല് റണ് വെള്ളിയാഴ്ച ആരംഭിക്കും. ജെഎല്എന് സ്റ്റേഡിയം, കലൂര്, ലിസി, എം.ജി റോഡ്, മഹാരാജാസ് കോളജ് എന്നിങ്ങനെ അഞ്ചു സ്റ്റേഷനുകളാകും ഈ ദൂരപരിധിയില് ഉണ്ടാവുകയെന്നും കൊച്ചി മെട്രോ അധികൃതര് ഔദ്യോഗിക ഫേസ്ബുക്ക് പേജിലൂടെ അറിയിച്ചു.
നിലവില് ആലുവ മുതല് പാലാരിവട്ടം വരെയാണ് മെട്രോ സര്വീസ് നടത്തുന്നത്. പേട്ട വരെയാണ് കൊച്ചി മെട്രോ പദ്ധതിയുടെ ഒന്നാം ഘട്ടം.
