അഷ്ടാദശ പുരാ ണങ്ങളില് ബൃഹത്തും മഹത്തുമായി കരുതപ്പെടുന്നവയാണ് ബ്രഹ്മാണ്ഡപുരാണവും അഗ്നിപുരാണവും. അഷ്ടാദശ പുരാണങ്ങളും രചിച്ചത് മഹാഭാരത കര്ത്താവായ കൃഷ്ണദ്വൈപായന വ്യാസന് തന്നെയാണ്. ഇരണ്ടു പുരാണങ്ങളിലും വ്യാസന് അധ്യാത്മരാമായണ കഥ അതിമനോഹരമായി നിബന്ധിച്ചിട്ടുണ്ടണ്ട്. ബ്രഹ്മാണ്ഡ മഹാപുരാണത്തിലെ പ്രധാന ഭാഗമായിത്തന്നെയാണ് അധ്യാത്മരാമായണ കഥ വരുന്നതെങ്കില് അഗ്നിപുരാണത്തില് രാമകഥ അത്ര വിശദമല്ല.
ശ്രീരാമനെ താരകബ്രഹ്മമായി ചിത്രീകരിച്ച്, ഭക്തിയും അദ്വൈത തത്ത്വചിന്തയും സമന്വയിപ്പിക്കുന്ന രീതിയിലാണ് ബ്രഹ്മാണ്ഡ മഹാപുരാണത്തിലെ രാമകഥാരചന. വാല്മീകി രാമായണത്തില് നിന്ന് വ്യത്യസ്തമായി ആത്മാന്വേഷകര്ക്ക് പ്രയോജനപ്പെടുംവിധം, മഹാദേവന് പാര്വ്വതീദേവിക്ക് ഉപദേശിച്ചുകൊടുക്കുന്ന രീതിയിലാണ് രാമകഥ ചുരുള്നിവരുന്നത്. ബ്രഹ്മാണ്ഡപുരാണത്തിലെ ഈ അദ്ധ്യാത്മരാമായണമാണ് തുഞ്ചത്ത് രാമാനുജന് എഴുത്തച്ഛന് മലയാളത്തില് കിളിപ്പാട്ടാക്കി മൊഴിമാറ്റം ചെയ്ത് കേരളീയ ഭവനങ്ങളെ രാമഭക്തിയില് ആറാടിച്ചത്. ബാലകാണ്ഡം, അയോധ്യാകാണ്ഡം, അരണ്യകാണ്ഡം, കിഷ്കിന്ധാകാണ്ഡം, സുന്ദരകാണ്ഡം, യുദ്ധകാണ്ഡം എന്നിങ്ങനെ ആറുഭാഗങ്ങളിലായി ഏകദേശം 4500 ശ്ലോകങ്ങളിലാണ് ബ്രഹ്മാണ്ഡപുരാണത്തില് വ്യാസന് രാമായനം വിവരിക്കുന്നത്. രാമന് സര്വ്വവ്യാപിയായ പരമാത്മാവാണെന്നും സീത അദ്ദേഹത്തിന്റെ മായാശക്തിയാണെന്നും എഴുത്തച്ഛന് കിളിപ്പാട്ടില് വര്ണിക്കുന്നത് ഇതിന്റെ ചുവടുപിടിച്ചാണ്. ആത്മജ്ഞാനത്തെക്കുറിച്ച് ശ്രീരാമന് ലക്ഷ്മണനെ ഉപദേശിക്കുന്ന രാമഗീത ഇതിലെ അതിപ്രധാന ഭാഗമാണ്.
പുരാണങ്ങളില് എട്ടാമത്തേതാണ് അഗ്നിപുരാണം. പ്രതിപാദ്യ വൈവിധ്യത്താലും ചരിത്രപ്രാധാന്യത്താലും അഗ്നിപുരാണത്തിനു പ്രമുഖ സ്ഥാനമാണുള്ളത്. വസിഷ്ഠന് അഗ്നിഭഗവാന് ഉപദേശിച്ച ഈ പുരാണം വസിഷ്ഠന് വേദവ്യാസന് ഉപദേശിച്ചു കൊടുക്കുകയായിരുന്നു.
അഗ്നിയാണ് പ്രധാന ആഖ്യാതാവ്. എങ്കിലും ഓരോ വിഷയവും അതില് വിദഗ്ദ്ധരായവരെക്കൊണ്ടണ്ട് പറയിക്കുന്ന രീതിയാണ് അഗ്നിപുരാണത്തില് അനു
വര്ത്തിച്ചിരിക്കുന്നത്. അഗ്നിപുരാണത്തിന്റെ 5-15 അധ്യായങ്ങളിലാണ് രാമായണ കഥയുടെ സംക്ഷിപ്ത പ്രതിപാദനമുള്ളത്. നാരദനും വാല്മീകിയും തമ്മിലുള്ള സംഭാഷണ രൂപത്തിലാണ് കഥാവതരണം. വാല്മീകി രാമായണത്തിലെ പ്രധാന സംഭവങ്ങളെല്ലാം ചുരുങ്ങിയ വരികളില് വിവരിച്ചിരിക്കുന്നു. ശ്രീരാമജനനം, വിശ്വാമിത്രനുമൊത്തുള്ള വനയാത്ര, സീതാസ്വയംവരം, വനവാസം, രാവണവധം, അയോധ്യയിലേക്കുള്ള മടക്കം, പട്ടാഭിഷേകം തുടങ്ങിയ പ്രധാന സംഭവങ്ങള് എല്ലാം ഇതിലുമുണ്ടണ്ട്. ശ്രീരാമനെ മാനവവീരനായ രാജാവെന്നതിനപ്പുറം സാക്ഷാല് വിഷ്ണുഭഗവാന്റെ അവതാരമായാണ് അഗ്നിപുരാണവും അവതരിപ്പിക്കുന്നത്.
ജന്മഭൂമി ഓണ്ലൈന്