പാലക്കാട് : അമര്നാഥ് തീര്ത്ഥാടകര്ക്കുനേരെ അനന്തനാഥില് ഭീകരര് നടത്തിയ ആക്രമണത്തില് പ്രതിഷേധിച്ച് വിശ്വഹിന്ദുപരിഷത്തിന്റെ നേതൃത്വത്തില് പ്രകടനവും പ്രതിഷേധവും നടത്തി. സമാധാനപൂര്ണമായ തീര്ത്ഥയാത്ര നടത്തിയവര്ക്കുനേരെയാണ് ആക്രമണം ഉണ്ടായതെന്ന് യോഗം ചൂണ്ടിക്കാട്ടി.
മേലാമുറിയില് നിന്നാരംഭിച്ച പ്രകടനത്തിന് പി.ആര്.കൃഷ്ണന്കുട്ടി, പി.കണ്ണന്കുട്ടി, ഉണ്ണികൃഷ്ണന്, ശരവണന്, ശ്രീജിത്ത്, ഭരത്, എന്നിവര് നേതൃത്വം നല്കി. സ്റ്റേഡിയം ബസ് സ്റ്റാന്റിന് സമീപം നടന്ന യോഗത്തില് വിഎച്ച്പി വിഭാഗ് സെക്രട്ടറി എ.സി.ചെന്താമരാക്ഷന് സംസാരിച്ചു.
അമര്നാഥ് തീര്ത്ഥാടകരെ അനന്ത് ജില്ലയില് തീവ്രവാദികള് അതിദാരുണമായി കൂട്ട കുരുതി നടത്തിയതില് പ്രതിഷേധിക്കാനും തീര്ത്ഥാടകര്ക്ക് സുരക്ഷ ഉറപ്പാക്കണം എന്ന് ആവശ്യപ്പെട്ട് കൊടുവായൂരില് പ്രകടനവും, യോഗവും നടത്തി. ആര്എസ്എസ് വിഭാഗ് കാര്യകാരി സദസ്യന് കെ.കൃഷ്ണകുട്ടി സംസാരിച്ചു.
സി.അബുജാക്ഷന്, സുരേഷ് ബാബു, കെ.ബി.രാജേഷ്, സജീവ്.എന്.മുതലമട, രാമചന്ദ്രന്, മാണിക്യന് കൊടുവായൂര് എന്നിവര് നേതൃത്വം നല്കി.
