പാലക്കാട്: നഗരസഭ കേന്ദ്രീകരിച്ച് ഒരു നിഗൂഢമാഫിയ പ്രവര്ത്തിക്കുന്നതായി ബിജെപി പാര്ലിമെന്ററി പാര്ട്ടി ലീഡര് എസ്.ആര്.ബാലസുബ്രഹ്മണ്യന് ആരോപിച്ചു.
ജനപ്രതിനിധികള്ക്കു നല്കാനെന്നു പറഞ്ഞ് ഇവര് വന്തുക വിഹിതംപറ്റുന്നത്.ഇക്കാര്യമാണ് കഴിഞ്ഞ കൗണ്സില് യോഗത്തില് അഴിമതിയെന്നപേരില് താന് ചൂണ്ടിക്കാണിച്ചതെന്ന് അദ്ദേഹം പത്രക്കുറിപ്പില് വിശദീകരിച്ചു.
കമ്മീഷനും വിഹിതവും പറ്റി ബിജെപി ഭരണത്തെ കളങ്കപ്പെടുത്താന് ഒരു വിഭാഗം ശ്രമം നടത്തുന്നുണ്ട്. ഇത് തുറന്നുകാണിക്കുവാനാണ് താന് ശ്രമിക്കുന്നത്.നഗരഭരണത്തില് അഴിമതി നടത്തുന്നവരെ പിടികൂടിയെ പറ്റു.
നഗരസഭയില് മാതൃകാഭരണം കാഴ്ചവയ്ക്കാനുള്ള ശ്രമത്തിലാണു ബിജെപി നേതൃത്വം. ഇതിന്റെ ഭാഗമായാണ് അമൃത്, സ്വച്ഛ് ഭാരത്, പിഎംഎവൈ തുടങ്ങിയ പദ്ധതികള് വഴി കോടികളുടെ വികസനം നഗരത്തില് നടപ്പിലാക്കുന്നത്.
നഗരവികസനത്തെ ചൂഷണം ചെയ്ത് അഴിമതി നടത്തുന്നവരെ ഒറ്റപ്പെടുത്തി വെളിച്ചത്തുകൊണ്ടുവരണമെന്നും അദ്ദേഹം ആവശ്യപ്പെട്ടു.
