കോഴിക്കോട്: കോഴി കച്ചവടക്കാരുടെ സമരം പിന്വലിച്ചു. ധനമന്ത്രി തോമസ് ഐസക്കുമായി നടത്തിയ ചര്ച്ചയെ തുടര്ന്നാണിത്. ചര്ച്ചയില് കോഴി ഇറച്ചി വില കിലോയ്ക്ക് 87 രൂപയായി നിശ്ചയിച്ചു. ജിഎസ്ടി നടപ്പാക്കിയതിനെ തുടര്ന്നാണ് സംസ്ഥാനത്ത് കോഴിവില കുറഞ്ഞത്.
എന്നാല് ഈ വിലയ്ക്ക് വില്ക്കാനാവില്ലെന്ന് കോഴി കച്ചവടക്കാര് നിലപാട് എടുക്കുകയായിരുന്നു. ഇതിനെതിരെ സര്ക്കാര് കര്ശന നിര്ദേശവുമായി രംഗത്ത് എത്തിയതോടെ സമരത്തിലേക്ക് കച്ചവടക്കാര് നീങ്ങുകയായിരുന്നു.
വിപണിയിലെ ഏറ്റക്കുറച്ചിലുകള് അനുസരിച്ച് വില മാറാമെന്നും മന്ത്രി അറിയിച്ചു. സര്ക്കാരിന്റെ നിര്ദേശം അനുസരിച്ച് 87 രൂപയ്ക്ക് കോഴി വില്ക്കാന് ഒരു വിഭാഗം തയ്യാറായത് നല്ല കാര്യമാണെന്നും ഇവരുടെ കടകള് അടപ്പിക്കാമെന്ന് ആരും കരുതേണ്ടെന്നും മന്ത്രി അറിയിച്ചിരുന്നു.
അവര്ക്ക് സംരക്ഷണം നല്കാന് സര്ക്കാര് ഒരുക്കമാണെന്നും ഒരു വിഭാഗം കച്ചവടക്കാര്ക്കു കടകള് അടയ്ക്കാനുള്ള അവകാശം പോലെ തന്നെ മറ്റുള്ളവര്ക്ക് തങ്ങളുടെ കടകള് തുറക്കാനും സ്വാതന്ത്ര്യമുണ്ടെന്നും ചൂണ്ടിക്കാട്ടിയിരുന്നു.
