പാലക്കാട്: ആദിവാസി യുവതിയെ കൊലപ്പെടുത്തിയ കേസില് ജീവപര്യന്തം തടവും ഒരു ലക്ഷം രൂപയും. തമിഴ്നാട് സോമനൂര് അയ്യന്കോവില് ശെല്വപുരം കോളനിയില് കണ്ണനാ(നാച്ചിമുത്തു)ണ് ശിക്ഷ ലഭിച്ചത്.
തമിഴ്നാട് സ്വദേശിനിയായ സരസ(40) മരിച്ച കേസിലാണ് വിധി. പിഴയടച്ചില്ലെങ്കില് രണ്ടു വര്ഷം അധിക തടവനുഭവിക്കണം.
2015ജൂണ് 17നാണ് കേസിനാസ്പദമായ സംഭവം. വൈകിട്ട് ആറരയോടെ കോട്ടത്തറ കള്ളക്കരയിലെ വാടകവീട്ടില് മരിച്ചനിലയില് കണ്ടെത്തുകയായിരുന്നു. മദ്യപിച്ച് വഴക്കിട്ട കണ്ണന് സരസയെ ആയുധമുപയോഗിച്ച് തലയ്ക്കടിച്ചു കൊല്ലുകയായിരുന്നുവെന്ന് ഷോളയൂര് പോലീസ് പറഞ്ഞു.
തമിഴ്നാട്ടില് നിന്നും സംഭവം നടക്കുന്നതിനും ഒമ്പതു വര്ഷം മുമ്പ് അട്ടപ്പാടിയില് താമസത്തിനെത്തിയതായിരുന്നു ഇരുവരും.പണമിടപാട് സംബന്ധിച്ച തര്ക്കം കൊലപാതകത്തിലെത്തുകയായിരുന്നുവെന്ന് പോലീസ് പറഞ്ഞു.
അന്നത്തെ അഗളി സിഐ കെ.എം ദേവസ്യയാണ് കേസ് അന്വേഷിച്ചത്.
