കുറ്റിയാടി: മഴയുടെ നനവും നൈര്മല്യവും തേടി വിദ്യാര്ത്ഥിസമൂഹം കുറ്റിയാടി ചുരമിറങ്ങിയപ്പോള് സേവിന്റെ മഴയാത്ര വ്യത്യസ്തമായ അനുഭവമായി. ആധുനിക കാലത്ത് മഴയും മഞ്ഞും വെയിലും അനുഭവിക്കാതെ പ്രകൃതിയില് നിന്നും അന്യരായി ജീവിക്കുന്ന വിദ്യാര്ത്ഥികളെ പ്രകൃതിയോട് കൂടുതല് അടുപ്പിക്കാനുള്ള സേവിന്റെ ശ്രമത്തിന് വിദ്യാര്ത്ഥി, അധ്യാപക, രക്ഷകതൃ സമൂഹത്തില് നിന്നും മികച്ച പ്രതികരണമാണ് ലഭിച്ചത്. വടകര വിദ്യാഭ്യാസജില്ലയില് ഗ്രീന് കമ്മ്യൂണിറ്റിയുടെ സഹകരണത്തോടെ നടപ്പാക്കുന്ന പരിസ്ഥിതി സംരക്ഷണ വിദ്യാഭ്യാസ പദ്ധതിയായ സേവിന്റെ മഴയാത്ര നാലാം വര്ഷം പിന്നിടുമ്പോള് ഓരോ വര്ഷവും പങ്കാളികളുടെ എണ്ണം വര്ദ്ധിച്ചു വരികയാണ്. ആദ്യവര്ഷം ആയിരം വിദ്യാര്ത്ഥികളാണ് പങ്കെടുത്തത്.
ഇത്തവണ രണ്ടായിരത്തി അഞ്ഞൂറ് വിദ്യാര്ത്ഥികളാണ് യാത്രയില് പങ്കുചേര്ന്നത്. വടകര വിദ്യാഭ്യാസ ജില്ലയിലെ സര്ക്കാര്, എയ്ഡഡ്, അണ്എയ്ഡഡ് വിദ്യാലയങ്ങളിലെ വിദ്യാര്ത്ഥികള് അധ്യാപകര് പരിസ്ഥിതി പ്രവര്ത്തകര് നാട്ടുകാര് എന്നിവര് യാത്രയില് പങ്കെടുത്തു. വാളാംതോട് നിന്നും ആരംഭിച്ച യാത്ര കുന്നിറങ്ങി പൂതംപാറ സെന്റ് ജോസഫ് എല്പി സ്കൂളില് സമാപിക്കുച്ചു. പുണര്തം ഞാറ്റുവേലയില് പെയ്തിറങ്ങിയ മഴയെ വിദ്യാര്ത്ഥികള് തങ്ങളുടെ ശരീരത്തിലേക്കല്ല, മറിച്ച് മനസ്സിലേക്കും ആത്മാവിലേക്കും ആവാഹിച്ചെടുക്കുകയായിരുന്നു.
പെയ്തും തോര്ന്നും കളിച്ച മഴ വിദ്യാര്ത്ഥികളെ ഹരം പിടിപ്പിച്ചു. ആദ്യത്തെ രണ്ടു വര്ഷങ്ങളില് ജൂണിലെ രണ്ടാം ശനിയാഴ്ച നടത്തിയിരുന്ന മഴയാത്ര മഴയുടെ അഭാവത്താല് ജൂലൈയിലെ രണ്ടാം ശനിയാഴ്ചയിലേക്ക് മാറ്റുകയായിരുന്നു.
യാത്ര വനം പരിസ്ഥിതി വകുപ്പ് മന്ത്രി അഡ്വ. കെ. രാജു ഉദ്ഘാടനം ചെയ്തു. മുതിര്ന്നവരുടെ തലമുറ പ്രകൃതിയോട് ചെയ്ത പാപങ്ങള്ക്ക് പുതുതലമുറ ചെയ്യുന്ന പ്രായശ്ചിത്തമാണ് ഈ മഴയാത്ര എന്ന് അദ്ദേഹം പറഞ്ഞു. ഇത്തരം പ്രവര്ത്തനങ്ങള് കേരളത്തിന് മുഴുവന് മാതൃകയാണെന്നും അവര് കൂട്ടിച്ചേര്ത്തു. ഇ കെ വിജയന് എംഎല്എ അധ്യക്ഷം വഹിച്ചു. പ്രൊഫ. ശോഭീന്ദ്രന് ഹരിതസന്ദേശം നല്കി. പഞ്ചായത്ത് പ്രസിഡന്റ് അന്നമ്മ ജോര്ജ്, കാസര്ഗോഡ് ഡിഡിഇ ഇ.കെ. സുരേഷ്കുമാര്, ഡിഇഒ സദാനന്ദന് മണിയോത്ത്, എഇഒ കെ. രമേശന്,സേവ് ജില്ലാ കോഓഡിനേറ്റര് വടയക്കണ്ടി നാരായണന്,ഷൗക്കത്തലി ഏറോത്ത്,അബ്ദുള്ള സല്മാന്,ജിജി കട്ടക്കയം.ടി ടി മൂസ തുടങ്ങിയവര് സംസാരിച്ചു.
യാത്രാ മധ്യേ വിത്തുകള് കാട്ടിലേക്ക് വലിച്ചെറിഞ്ഞും വഴിയോരങ്ങളില് തൈകള് നട്ടുമാണ് വിദ്യാര്ത്ഥികള് മുന്നേറിയത്. പങ്കെടുത്ത എല്ലാ വിദ്യാര്ത്ഥികള്ക്കും സര്ട്ടിഫിക്കറ്റുകള് വിതരണം ചെയ്തു. യാത്രയില് ഏറ്റവും മികച്ച പ്രകടനം കാഴ്ച വച്ചതിന് ഒന്നാം സ്ഥാനം വട്ടോളി സംസ്കൃതം ഹൈസ്കൂളിനും രണ്ടാം സ്ഥാനം നരിപ്പറ്റ ആര്.എന്. എം.ഹൈസ്കൂളിനും മൂന്നാം സ്ഥാനം ചാത്തങ്കോട്ട് നട എ.ജെ.ജോണ് സ്മാരക ഹൈ സ്കൂളിനും ലഭിച്ചു.
