ആലത്തൂര്: അമിതമായി ഭാരം കയറ്റിയ വാഹനങ്ങളുടെ നിയന്ത്രണമില്ലാത്ത യാത്ര മൂലം പാറയ്ക്കല് പറമ്പ്തോണിക്കടവ് റോഡ് തകര്ന്നു.
ഒരു കോടി 64ലക്ഷം രൂപ ചിലവില് അടുത്ത കാലത്ത് പുനര്നിര്മ്മിച്ച പാറയ്ക്കല്പറമ്പ്തോണിക്കടവ് റോഡാണ് പലയിടത്തും തകര്ന്നത്.
അത്തിപൊറ്റ പാലംപണി നടക്കുന്നതിനാല് അമിത ഭാരം കയറ്റിയ ടിപ്പറുകളുടെ നിയന്ത്രണമില്ലാത്ത മരണപാച്ചില് മൂലം പാറയ്ക്കല്പറമ്പ് മുതല് തോണിക്കടവ് വരെ പലഭാഗങ്ങളും പൊളിഞ്ഞ് താഴ്ന്നിരിക്കുകയാണ്.
പാലംപണി നടക്കുന്നതിനാല് ആലത്തൂരിലേക്ക് പോകുന്ന വിദ്യാര്ത്ഥികളടക്കമുള്ള യാത്രക്കാരുടെ ആശ്രയമാണ് ഈ റോഡ്. ഈ സ്ഥിതി തുടര്ന്നാല് ദിവസങ്ങള്ക്കുള്ളില് ഇത് വഴിയുള്ള ഗതാഗതം പൂര്ണ്ണമായും തടസമാകും.
പൊതുമരാമത്ത് വകുപ്പ് അടിയന്തരമായി പരിഹരിക്കാന് വേണ്ട നടപടികള് സ്വീകരിക്കണമെന്നാണ് ജനങ്ങളുടെ ആവശ്യം.നേരത്തേ റോഡ് ഒരു ഭാഗം താഴ്ന്നതിനെ തുടര്ന്ന് നാട്ടുകാര് ഇത്തരം വാഹനങ്ങള് തടഞ്ഞിരുന്നു.
