മാവേലിക്കര: ആത്മാര്ത്ഥമായി പ്രവര്ത്തിച്ച ദേവികുളം സബ്കളക്ടര് ശ്രീറാം വെങ്കിട്ടരാമനെ സ്ഥലം മാറ്റിയതിലൂടെ സംസ്ഥാന സര്ക്കാര് ഭൂമാഫിയക്ക് ഒപ്പമാണെന്ന് തെളിഞ്ഞതായി എന്ജിഒ സംഘ് സംസ്ഥാന ജോ.സെക്രട്ടറി എ.പ്രകാശ് പറഞ്ഞു.
കേരള എന്ജിഒ സംഘ് ജില്ലാ സമ്മേളനത്തിന് മുന്നോടിയായുള്ള ജില്ലാ കണ്സില്യോഗം മാവേലിക്കരയില് ഉദ്ഘാടനം ചെയ്യുകയായിരുന്നു അദ്ദേഹം.
എല്ലാം ശരിയാക്കാം എന്ന് പറഞ്ഞ് അധികാരത്തില് ഏറിയവര് ആത്മാര്ത്ഥതയും കാര്യശേഷിയുമുള്ള ഉദ്യോഗസ്ഥരെ ശരിയാക്കുകയാണെന്നും പ്രകാശ് പറഞ്ഞു.
എന്ജിഒ സംഘ് ജില്ലാ പ്രസിഡന്റ് ജെ. മഹാദേവന് അദ്ധ്യക്ഷനായി. സംസ്ഥാന സമിതിയംഗം കെ. മധു, ജില്ലാ സെക്രട്ടറി സുമേഷ് ആനന്ദ്, കെ.പി. അജിത്കുമാര്, ആര്. കരുണാകരന്, കെ.ആര്. രജീഷ്, ഡി. ബാബുപിള്ള, പി. ഷിബു, ഗോപകുമാര് മധുരാപുരി, ബിജു എന്നിവര് പ്രസംഗിച്ചു.
ഇന്ന് രാവിലെ പ്രതിനിധി സമ്മേളനം മാവേലിക്കര വിദ്യാധിരാജ സ്കൂളില് സംസ്ഥാന ജനറല് സെക്രട്ടറി എസ്.കെ. ജയകുമാര് ഉദ്ഘാടനം ചെയ്യും.
പ്രതികരിക്കാൻ ഇവിടെ എഴുതുക: