ആലപ്പുഴ: കളപ്പുരയിലെ സര്ക്കാര് അതിഥിമന്ദിരത്തില് ഒച്ച് ശല്യം വ്യാപകമായി. ഗസ്റ്റ് ഹൗസിന് അകത്തും പുറത്തും ആഫ്രിക്കന് ഒച്ചുകളുടെ ശല്യം രൂക്ഷമായതോടെ ജീവനക്കാന് ബുദ്ധിമുട്ടുകയാണ്. രോഗം പടര്ത്താന് സാദ്ധ്യതയുള്ള ആഫ്രിക്കന് ഒച്ചുകള് ഗസ്റ്റ് ഹൗസിന്റെ ഭിത്തിയിലും മതിലിലുമൊക്കെ സ്ഥാനം പിടിച്ചു. ഒച്ച് ശല്യം മൂലം ഗസ്റ്റ് ഹൗസിലെ ജനലുകള്പോലും ജീവനക്കാര്ക്ക് തുറക്കാന് കഴിയുന്നില്ല.
മന്ത്രിമാര് അടക്കമുള്ളവര് ആലപ്പുഴയിലെത്തുമ്പോള് തങ്ങുന്ന സര്ക്കാര് അതിഥി മന്ദിരത്തില് ഒച്ച് ശല്യം കൂടിയതോടെ ജീവനക്കാര് ഒച്ചിനെ നശിപ്പിക്കാന് പല പണിയും നോക്കുന്നുണ്ട്.
ഉപ്പ് ലായനി തളിച്ച് ഒച്ചുകളെ നശിപ്പിക്കുന്നുണ്ടെങ്കിലും ഇവയെ പൂര്ണമായും തുരത്താന് ആകുന്നില്ല. നശിപ്പിക്കുന്നതിനേക്കാള് ഇരട്ടി ഒച്ചുകള് ഗസ്റ്റ് ഹൗസിലും പരിസര പ്രദേശങ്ങളിലുമുണ്ട്. ഗസ്റ്റ് ഹൗസിലെത്തുന്നവര് ഭക്ഷണം കഴിക്കാന്പോലും ബുദ്ധിമുട്ടുകയാണ്.
ഇവിടെയെത്തുന്നവര് ജീവനക്കാരോട് പരാതി പറഞ്ഞാണ് മടങ്ങുന്നത്. മഴക്കാലമായതിനാലാണ് ഒച്ച് ശല്യം വര്ദ്ധിക്കാന് കാരണമെന്ന് ജീവനക്കാര് പറയുന്നു. ആഫ്രിക്കന് ഒച്ചുകളെ നശിപ്പിച്ചിട്ടും പെരുകുന്നതിനാല് ജീവനക്കാര് നിസഹായരാണ്.
