പയ്യാവൂര്: കര്ണാടക വനാതിര്ത്തിയോടുചേര്ന്ന മലയോര ഗ്രാമമായ കാഞ്ഞിരക്കൊല്ലിയിലും സമീപപ്രദേശങ്ങളായ പാടാന്കവല, കൊട്ടാടിക്കവല എന്നിവിടങ്ങളിലും ജനവാസകന്ദ്രങ്ങളിലെ കൃഷിയിടങ്ങളില് കാട്ടാനക്കൂട്ടം എത്തുന്നത് പതിവ് സംഭവമായി. കഴിഞ്ഞ ഒരുമാസത്തിനിടെ നിരവധി തവണയാണ് ഈ പ്രദേശങ്ങളില് കാട്ടാന ശല്യമുണ്ടായത്. കഴിഞ്ഞ രണ്ടുദിവസങ്ങളിലായി നിരവധിപേരുടെ കൃഷിയിടങ്ങളിലാണ് കാട്ടാനക്കൂട്ടം കനത്തനാശം വരുത്തിവെച്ചിട്ടുള്ളത്.
വര്ഗ്ഗീസ് വെട്ടിത്താനത്ത്, ശശി വടക്കേമറ്റത്തില്, ചാണ്ടിമുല്ലൂര്, ജേക്കബ് കൊട്ടോടിക്കുന്നേല്, കോര മലയാറ്റൂര്, മാത്യു കണികത്തോട്ടം, ബേബി ഇഞ്ചക്കുഴിയില് എന്നിവരുടെ വിവിധ കൃഷികള്ക്കാണ് വ്യാപകമായ നാശം സംഭവിച്ചിരിക്കുന്നത്. തുടര്ച്ചയായി കൃഷിയിടങ്ങളില് കാട്ടാനക്കൂട്ടമെത്തുന്നത്.
ജനങ്ങളെ ഭീതിയിലാക്കിക്കൊണ്ട് കാട്ടാനകള് നാട്ടിലിറങ്ങുന്നതിനെതിരെ ശക്തമായ പ്രതിരോധ നടപടികള് എത്രയും വേഗം സ്വീകരിക്കണമെന്ന് നാട്ടുകാര് വനംവകുപ്പധികൃതരോട് ആവശ്യപ്പെട്ടു.
