കണ്ണൂര്: ന്യൂനപക്ഷ സമുദായങ്ങള്ക്കിടയില് കടന്നുചെല്ലാന് സിപിഎം പോറോട്ട് നാടകം കളിക്കുകയാണെന്ന് ഇന്ഡ്യന് നാഷണല് കോണ്ഗ്രസ് ന്യൂനപക്ഷസെല് സംസ്ഥാന കമ്മറ്റി ഭാരവാഹികള് വാര്ത്താ സമ്മേളനത്തില് പറഞ്ഞു. വ്യക്തിപരമായ നേട്ടങ്ങള്ക്കു വേണ്ടി കോണ്ഗ്രസ് വിട്ട രണ്ട് നേതാക്കളെ മുന്നിര്ത്തി സിപിഎം നടത്തുന്നത് കളളപ്രചാരണമാണ്. വായനശാലകളും യുക്തിവാദി സംഘങ്ങളും രൂപീകരിച്ച് കേരളത്തിലെ ഗ്രാമങ്ങളില് ഭൂരിപക്ഷ സമുദായത്തിലെ യുവാക്കളെ നിരീശ്വരവാദികളാക്കി വോട്ട് ബാങ്കുകള് സൃഷ്ടിച്ചു. ഒടുവില് കമ്മ്യൂണിസം പരമവിഡ്ഡിത്തമാണെന്ന് തിരിച്ചറിഞ്ഞ ഭൂരിപക്ഷസമുദായം പാര്ട്ടിയെ കൈവിട്ടതോടെ ഇനിയങ്ങോട്ട് പിടിച്ചുനില്ക്കണമെങ്കില് ന്യൂനപക്ഷങ്ങളെ കൂടെ നിര്ത്തണമെന്ന തിരിച്ചറിവാണ് നാടകത്തിനു പിന്നിലുളളത്. മതേതരത്വവും ന്യൂനപക്ഷ രക്ഷയും പ്രസംഗിച്ച് ഇല്ലാത്ത പുകമുറ സൃഷ്ടിക്കുകയാണ് സിപിഎം. പിണറായിയുടെ ഭരണത്തില് സംസ്ഥാനത്ത് ന്യൂനപക്ഷങ്ങള് വേട്ടയാടപ്പെടുകയാണ്. കഴിഞ്ഞ കാലങ്ങളിലെല്ലാം ന്യൂനപക്ഷങ്ങളോട് അസഹിഷ്ണുത പ്രകടിപ്പിച്ച ചരിത്രമാണ് സിപിഎമ്മിനുളളത്. കേരളത്തില് മാത്രം ഒതുങ്ങി നില്ക്കുന്ന പാര്ട്ടി എങ്ങനെ രാജ്യത്താകമാനം ന്യൂനപക്ഷങ്ങളലുടെ രക്ഷകരാകുമെന്നും തലശ്ശേരിയിലെ ഫസല് വധക്കേസില് സിപിഎം നേതൃത്വത്തിനുളള പങ്ക് മാത്രം മതി സിപിഎമ്മിന്റെ ന്യൂനപക്ഷ സ്നേഹം മനസ്സിലാകാനെന്നും ഇവര് പറഞ്ഞു. വാര്ത്താ സമ്മേളനത്തില് ടി.എം.ആസാദ്, അസൈനാര്, സമീര് പളളിപ്രം തുടങ്ങിയവര് സംബന്ധിച്ചു.
ന്യൂനപക്ഷ സമുദായങ്ങള്ക്കിടയില് കടന്നുചെല്ലാന് സിപിഎം പോറോട്ട് നാടകം കളിക്കുന്നുവെന്ന്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.