പേരാമ്പ്ര: മലബാര് നായര് സമാജത്തിന്റെ പേരില് വ്യാജ പണപ്പിരിവും സംഘടനയുടെ പേരില് വ്യാപക തട്ടിപ്പ് നടത്തുന്നതായും ശ്രദ്ധയില് പെട്ടതായി മലബാര് നായര് സമാജം ഭാരവാഹികള് വാര്ത്താ സമ്മേളനത്തില് അറിയിച്ചു.
മലബാര് നായര് സമാജത്തിന്റെ രജിസ്ട്രേഷന് ഉപയോഗിച്ച് വ്യാജ രസീതും ഗ്ലോബല് നായര് സമാജവുമായി ലയിച്ചതായി അറിയിച്ച് ഒരു ലക്ഷം രൂപയുടെ ആജീവനാന്ത മെമ്പര്ഷിപ്പ് ഉണ്ടാക്കി അംഗങ്ങളെ കബളിപ്പിക്കുന്നതായും ഭാരവാഹികള് പറഞ്ഞു. മുട്ടക്കോഴി വിതരണത്തിന്റെ പേരിലും, കക്കാടംപൊയില് ഇല്ലാത്ത പ്രോജക്ടിന് വേണ്ടി മൂന്ന് ഏക്കര് സ്ഥലം വാങ്ങിയിട്ടുണ്ടെന്ന് തെറ്റിദ്ധരിപ്പിച്ച് പലരില് നിന്നും ഷെയര് പിരിവ് നടത്തുന്നതായും ശ്രദ്ധയില് പെട്ടിട്ടുണ്ട്.
മുന് ഓര്ഗനൈസിംഗ് സെക്രട്ടറിയും ജില്ലയിലെ മഹിളാ വിഭാഗം നേതാവുമാണ് ഇതിന് പിന്നിലെന്ന് ഭാരവാഹികള് ആരോപിച്ചു. ഭാരവാഹികളായ പ്രസിഡന്റ് എം.പി.പ്രദീപ്കുമാര്, സംസ്ഥാന വൈസ് പ്രസിഡന്റുമാരായ കെ.സുകുമാരന് നായര്, ദേവി ദാസ് ,ജനറല് സെക്രട്ടറി കെ.പ്രേമരാജന്, ചന്ദ്രശേഖരന് നായര് ,അരവിന്ദാക്ഷന്, രാജന് പി. എന്നിവര് വാര്ത്താ സമ്മേളനത്തില് അറിയിച്ചു.
