മണ്ണാര്ക്കാട് : ആത്മാര്ത്ഥമായ മനസ്സുള്ളവനാണ് യഥാര്ത്ഥ വൈദ്യനെന്ന് കോയമ്പത്തൂര് ആര്യവൈദ്യഫാര്മസി മാനേജിംഗ് ഡയറക്ടര് ഡോ. പി.ആര്.കൃഷ്ണകുമാര് അഭിപ്രായപ്പെട്ടു.
ആര്യവൈദ്യന് പിഎം നമ്പൂതിരി അനുസ്മരണം ഉദ്ഘാടനം ചെയ്യുകയായിരുന്നു അദ്ദേഹം. സ്നേഹവും ആത്മാര്ത്ഥതയും ഒരു രോഗിയുടെ മനസ്സും മനസിലാക്കുവാന് കഴിഞ്ഞിരുന്ന മഹത്വ്യക്തിയായിരുന്നു പിഎം നമ്പൂതിരിയെന്ന് അദ്ദേഹം പറഞ്ഞു. എല്ലാ വിഭാഗം ജനങ്ങളുമായും ആത്മബന്ധം വളര്ത്താന് കഴിഞ്ഞുവെന്നതാണ് നമ്പൂതിരിയുടെ പ്രത്യേകത. ഡോ.വി.കൃഷ്ണപ്പന് അധ്യക്ഷത വഹിച്ചു.
കെപിഎസ് പയ്യനെടം അനുസ്മരണപ്രഭാഷണം നടത്തി. കൗണ്സിലര് പുഷ്പലതവിജയന്, രമേഷ്പൂര്ണിമ, ഡോ.സി.വി.ശ്രീഹരി,ഡോ.ടി.ദിനേശന്, ഡോ.സതീശന്, അഡ്വ.പി.എം.ജയകുമാര് എന്നിവര് സംസാരിച്ചു. ചുണ്ണാമ്പുതറ ശാന്തിനികേതനം ചെയര്പേഴ്സണ് റസിയാബാനുവിനെ ചടങ്ങില് ആദരിച്ചു.
ദഹനേന്ദ്രിയരോഗങ്ങളും ജീവിത ശൈലിയും എന്ന വിഷയത്തില് ഡോ.പിപി പ്രവീണ് ക്ലാസെടുത്തു.
