കോട്ടയം: പകര്ച്ചപ്പനി പ്രതിരോധ പ്രവര്ത്തനങ്ങള് ശക്തിപ്പെടുത്തുന്നതിന് പണം തടസ്സമാകില്ലെന്ന് ജില്ലയുടെ ചുമതല വഹിക്കുന്ന മന്ത്രി അഡ്വ. കെ. രാജു.
പകര്ച്ച വ്യാധി നിയന്ത്രണവുമായി ബന്ധപ്പെട്ട് ജില്ലയില് നടന്നു വരുന്ന പ്രവര്ത്തനങ്ങള് അവലോകനം ചെയ്യുന്നതിന് കളക്ട്രേറ്റില് ചേര്ന്ന യോഗത്തില് അദ്ധ്യക്ഷത വഹിച്ച് സംസാരിക്കുകയായിരുന്നു അദ്ദേഹം.
ശുചീകരണം ഉള്പ്പെടയുളള പ്രതിരോധ പ്രവര്ത്തനങ്ങള്ക്കായി ഓരോ വാര്ഡിലും 25000 രൂപ വീതം ഇതിനകം ലഭ്യമാക്കിയിട്ടുണ്ട്.
പനി ചികിത്സക്ക് എത്തുന്നവരുടെ എണ്ണം വര്ദ്ധിക്കുന്ന സാഹചര്യത്തില് പ്രൈമറി ഹെല്ത്ത് സെന്ററില് ഒരു ഡോക്ടറേയും ഒരു പാരാമെഡിക്കല് സ്റ്റാഫിനേയും കമ്മ്യൂണിറ്റി ഹെല്ത്ത് സെന്ററില് രണ്ട് ഡോക്ടര്മാരെയും രണ്ട് പാരാമെഡിക്കല് ജീവനക്കാരെയും തദ്ദേശ സ്വയം ഭരണ സ്ഥാപനങ്ങള്ക്ക് കൂടുതലായി നിയമിക്കും.
