വടക്കാഞ്ചേരി:ഹൃദയം മാറ്റിവെയ്ക്കല് ശസ്ത്ര ക്രിയക്ക് വിധേയനായ യുവാവിനെ തൂങ്ങി മരിച്ച നിലയില് കണ്ടെത്തി.വടക്കാഞ്ചേരി എങ്കക്കാട് ചെറു പാറയില് വീട്ടില് കൃഷ്ണകുമാര് (ബാബു-49)നെയാണ് വീട്ടിലെ കിടപ്പുമുറിയില് ഫാനില് തൂങ്ങി മരിച്ച നിലയില് കണ്ടെത്തിയത്.2015 നവംബര് 18 ന് എറണാംകുളത്തെ സ്വകാര്യ ആുപത്രിയിലാണ് ഹൃദയം മാറ്റിവെയ്ക്കല് ശസ്ത്ര ക്രിയ നടന്നത്.അപകടത്തെ തുടര്ന്ന് മസ്തിഷ്ക മരണം സംഭവിച്ച ചാലക്കുടി സ്വദേശി സന്ദീപിന്റെ ഹൃദയമാണ് കൃഷ്ണ കുമാറില് മാറ്റി വെച്ചിരുന്നത്.
എങ്കക്കാട് വനം വകുപ്പ്ഡെപ്യൂട്ടി റെയ്ഞ്ചര് ഓഫീസിലെ താല്ക്കാലിക ജീവനക്കാരിയായ ഭാര്യ റജി ജോലി കഴിഞ്ഞ് എത്തിയപ്പോള് വീട് അകത്ത് നിന്ന് പൂട്ടിയിട്ട നിലയില് കണ്ടെത്തുകയായിരുന്നു. നാട്ടുകാരെ വിവരമറിയിച്ച് വാതില് ചവിട്ടിപൊളിച്ച പ്പോഴാണ് തൂങ്ങിയ നിലയില് കണ്ടെത്തിയത്. വടക്കാഞ്ചേരി പൊലിസ് സ്ഥലത്തെത്തി മേല് നടപടികള് സ്വീകരിച്ച് മൃതദേഹം മുളങ്കുന്നത്ത് കാവ് ഗവ. മെഡിക്കല് കോളേജ് മോര്ച്ചറിയിലേക്ക് മാറ്റി.
മക്കള്.നന്ദ കൃഷ്ണാ,നിവേദകൃഷ്ണ
