കുടമാളൂര്: ശങ്കരാചാര്യരെ അവഹേളിക്കാനുള്ള ശ്രമങ്ങളെ ചെറുക്കണമെന്ന് യോഗക്ഷേമസഭ ജില്ലാ സെക്രട്ടറി ഡോ.രാജ്കുമാര് ആവശ്യപ്പെട്ടു. സംഘടനയുടെ അയ്മനം-കുടമാളൂര് ഉപസഭാ വാര്ഷികത്തില് മുഖ്യപ്രഭാഷണം നടത്തുകയായിരുന്നു അദ്ദേഹം. ഉപസഭാ പ്രസിഡന്റ് കൃഷ്ണ് നമ്പൂതിരി അദ്ധ്യക്ഷത വഹിച്ചു. തന്ത്രി കടിയക്കോല് ഇല്ലത്ത് കൃഷ്ണന് നമ്പൂതിരി ഉദ്ഘാടനം ചെയ്തു.
80വയസ് കഴിഞ്ഞ സഭാംഗങ്ങളെ ആദരിച്ചു. 10,12 ക്ലാസുകളില് ഉന്നതവിജയം നേടിയ കുട്ടികള്ക്ക് വിദ്യാനിധി പുരസ്കാരം നല്കി. സെക്രട്ടറി പി.ഹരികുമാര്, ഖജാന്ജി വിനോദ് ബാബു, ജോയിന്റ് സെക്രട്ടറി ദാമോദരന് പോറ്റി എന്നിവര് പ്രസംഗിച്ചു. കുട്ടികളുടെ കലാപരിപാടികള്, ചെണ്ടമേളം, തിരുവാതിരകളി തുടങ്ങിയവയും നടന്നു.
