ഇരിട്ടി: ഇരിട്ടി കല്ലുമുട്ടിയില് കഴിഞ്ഞദിവസം അപകടത്തില്പ്പെട്ട ബസ് തളിപ്പറമ്പ് കുപ്പത്തുനിന്നും എത്തിയ ഖലാസികള് ഏറെ നേരത്തെ പരിശ്രമത്തിനൊടുവില് പുറത്തെടുത്തു. ഇരിട്ടി പോലീസ് സ്റ്റേഷന് സമീപത്തെ കലുങ്കിന് മുകളില് നിന്നും തലകുത്തി മറിഞ്ഞുവീണ ബസ്സാണ് കുപ്പത്തുനിന്നുമെത്തിയ ഖലാസികള് പുറത്തെടുത്തത്. ഇരിട്ടി പോലീസിന്റെ നേതൃത്വത്തില് ഇരിട്ടി-കൂട്ടുപുഴ റോഡ് ഗതാഗതം ഏറെ നേരം തടഞ്ഞുനിര്ത്തിയ ശേഷമാണ് ബസ് പുറത്തെടുക്കാനായത്.
അതേസമയം അപകടം വരുത്തിയ ബസ്സിന്റെ െ്രെഡവര്ക്കെതിരെ ഇരിട്ടി പോലീസ് കേസ്സെടുത്തു. ബസ് യാത്രികരായ നാല്പ്പതോളം പേര്ക്ക് അപകടത്തില് പരിക്കേറ്റിരുന്നു. അശ്രദ്ധമായി വാഹനം ഓടിച്ചതിനാണ് െ്രെഡവര് കിഷോര് കുമാറി(38)നെതിരെ പോലീസ് കേസെടുത്തത്. വാഹനത്തിന്റെ പര്ച്ച് തകര്ന്നാണ് അപകടത്തിനിടയാക്കിയത് എന്നാണ് െ്രെഡവര് പോലീസിനോട് പറഞ്ഞിരുന്നത്. മോട്ടോര് വാഹനവകുപ്പ് അധികൃതര് നടത്തുന്ന പരിശോധനക്ക് ശേഷം വാഹനത്തകരാറല്ല അപകടകാരണമെന്ന് വ്യക്തമായാല് ശക്തമായ വകുപ്പുകള് ചേര്ത്ത് ഇയാള്ക്കെതിരെ കേസ്സെടുക്കും.
അപകടത്തില് പരിക്കേറ്റവര് തലശ്ശേരിയിലെയും കണ്ണൂരിലെയും മറ്റും വിവിധ സ്വകാര്യ ആശുപത്രികളില് ചികിത്സയിലാണ്. പരിക്കേറ്റവര് ഏറെയും തൊഴിലാളികളും പാവപ്പെട്ടവരുമായതു കൊണ്ടുതന്നെ ഇവര്ക്ക് സര്ക്കാര് തലത്തില് സാമ്പത്തിക സഹായം നല്കണമെന്ന് പലകോണില് നിന്നും ഉയരുന്നുണ്ട്. അഡ്വ. സണ്ണി ജോസഫ് എംഎല്എ സംഭവസ്ഥലവും പരിക്കേറ്റ ചിലരേയും സന്ദര്ശിച്ചു. അപകടത്തില് പരിക്കേറ്റ് ചികിത്സയിലുള്ള പാവപ്പെട്ടവര്ക്ക് വേണ്ട സാമ്പത്തിക സഹായം അടിയന്തിരമായി നല്കണമെന്ന് എംഎല്എ ആവശ്യപ്പെട്ടു.
