പാലക്കാട് : മീനാക്ഷിപുരത്ത് മകളെ ക്രൂരമായി മര്ദിച്ച സംഭവത്തില് അച്ഛനെ പൊലീസ് കസ്റ്റഡിയിലെടുത്തു.സംഭവത്തില് പൊലീസ് കേസെടുത്തു.
അഞ്ചാം ക്ലാസ് വിദ്യാര്ത്ഥിനിയെയാണ് പിതാവ് മര്ദിച്ചത്.കുട്ടിയെ ശിശുക്ഷേമ സമിതിയുടെ കീഴിലെ ഷെല്ട്ടറിലേക്ക് മാറ്റി.ഞായറാഴ്ച രാവിലെയാണ് സംഭവം ഉണ്ടായത്. കുട്ടിയെ അച്ഛന് മകളെ മര്ദ്ദിക്കുന്ന ദൃശ്യങ്ങള് അയല്വാസികളാണ് മൊബൈലില് പകര്ത്തിയത്.
വലിയ വടി ഉപയോഗിച്ച് ക്രൂരമായായുളള മര്ദനമേറ്റ് കുട്ടി നിലവിളിക്കുന്നതും നിലത്തു വീഴുന്നതും ദൃശ്യങ്ങളിലുണ്ട്. പൊലീസ് കുട്ടിയുടെ വീട്ടിലെത്തി പരിശോധന നടത്തിയെങ്കിലും അച്ഛനെതിരെ പരാതി നല്കാനും മൊഴി നല്കാനും കുട്ടിയും അമ്മയും തയാറായില്ല. അച്ഛന് ലഹരിക്കടിമയാണെന്ന സമീപവാസികളുടെ മൊഴിപ്രകാരം പൊലീസ് വീട്ടില് പരിശോധന നടത്തിയെങ്കിലും വീട്ടില് നിന്ന് ലഹരിവസ്തുക്കള് ഒന്നും കണ്ടെത്തിയില്ല.
പരാതി ലഭിക്കാത്തതിനാല് വിഷയം ചൈല്ഡ് ലൈനിന്റെ ശ്രദ്ധയില്പ്പെടുത്തി.ചൈല്ഡ് ലൈന് അധികൃതര് കുട്ടിക്ക് കൗണ്സിലിംഗ് നല്കിയശേഷം മൊഴി പൊലീസ് രേഖപ്പെടുത്തിയേക്കും. അച്ഛനെതിരെ തുടര്നടപടികളും ഉണ്ടാകാന് സാധ്യതയുണ്ട്.
