കാസര്കോട്: കേരളത്തിലെ ജനങ്ങളുടെ അന്നം മുട്ടിച്ച പിണറായി സര്ക്കാര് ജനദ്രോഹ സര്ക്കാരായി മാറിയെന്ന് യുവമോര്ച്ച ജില്ലാ പ്രസിഡന്റ് പി.ആര്.സുനില് പറഞ്ഞു. എല്ലാ ശരിയാക്കമെന്ന് പറഞ്ഞ് അധികാരത്തിലേറിയവര് വാക്ക് പാലിക്കാതെ ജനവഞ്ചനയാണ് ചെയ്യുന്നത്. കേന്ദ്രം അരി അനുവദിച്ചിട്ടും ഗോഡൗണുകള് നിറഞ്ഞ് കവിഞ്ഞിട്ടും അരി ജനങ്ഹളിലേക്കെത്തിക്കാന് പറ്റാത്തത് ഇടത് പക്ഷത്തിന്റെ പരാജയമാണെന്ന് കാസര്കോട് സപ്ലൈ ഓഫിസിലേക്ക് നടത്തിയ മാര്ച്ച് ഉദ്ഘാടനം ചെയ്ത് അദ്ദേഹം പറഞ്ഞു. അരി വിതരണം നടത്താത്തതില് പ്രതിഷേധിച്ച് യുവമോര്ച്ച ജില്ലയിലെ സപ്ലേ ഓഫീസു കളിലേക്ക് മാര്ച്ച് നടത്തി.
ഉപ്പള: സിപിഎം കള്ളപ്രചരണം നടത്തുകയാണെന്ന്. യുവമോര്ച്ച സംസ്ഥാന ട്രഷ്രര് വിജയ്കുമാര് റൈ പറഞ്ഞു. ഭാരതീയ ജനതാ യുവമോര്ച്ച മഞ്ചേശ്വരം മണ്ഡലം കമ്മറ്റിയുടെ ആഭിമുഖ്യത്തില് നടത്തിയ മഞ്ചേശ്വരം സപ്ലൈ ഓഫീസ് മാര്ച്ച് ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.
യോഗത്തില് മണ്ഡലം വൈസ് പ്രസിഡന്റ് പ്രസാദ് മണിയമ്പാറ അധ്യക്ഷത വഹിച്ചു. യുവമോര്ച്ച സംസ്ഥാന സെക്രട്ടറി എപി ഹരീഷ്, ജില്ലാ ജനറല് സെക്രട്ടറി ധനഞ്ജയന് മധൂര്, ജില്ലാ സെക്രട്ടറി കെവി മഹേഷ്, ബിജെപി മഞ്ചേശ്വരം മണ്ഡലം ജനറല് സെക്രട്ടറി മുരളീധരയാദവ്, എസ് സി-എസ്ടി മോര്ച്ച ജില്ലാ സെക്രട്ടറി എ.കെ.കയ്യാര്, ജില്ലാ വൈസ് പ്രസിഡന്റ് ധനരാജ് എന്നിവര് സംസാരിച്ചു. മണ്ഡലം സെക്രട്ടറി ഹരീഷ് സ്വാഗതവും, ചന്ദ്രകാന്ത ഷെട്ടി നന്ദിയും പറഞ്ഞു. വെള്ളരിക്കുണ്ട് സപ്ലേ ഓഫീസിലേക്ക് നടന്ന മാര്ച്ച് ബിജെപി ജില്ലാ സെക്രട്ടറി ബളാല് കുഞ്ഞിക്കണ്ണന് ഉദ്ഘാടനം ചെയ്തു
