കുറവിലങ്ങാട്: വെളിയന്നൂര് പഞ്ചായത്തിലെ താമരക്കാട്ട് ബിജെപി ഓഫീസ് തകര്ത്ത സംഭവവുമായി ബന്ധപ്പെട്ട് സിപിഎം ബ്രാഞ്ച് സെക്രട്ടറിയടക്കം അറസ്റ്റിലായ നാല് പ്രവര്ത്തകര്ക്ക് പോലീസ് ജാമ്യം അനുവദിച്ചു.
കഴിഞ്ഞ വ്യാഴാഴ്ച വൈകിട്ടാണ് സിപിഎം പ്രകടനത്തിടെ ബിജെപി ഓഫീസിന് നേരെ അക്രമണമുണ്ടായത്. തുടര്ന്ന് അറസ്റ്റിലായ സിപിഎം പൂവക്കുളം ബ്രാഞ്ച് സെക്രട്ടറി തൊടിയില് ബിജു (43), പെരുങ്കുറ്റി തേക്കുംകാട്ടില് അനൂപ് (28), പൂവക്കുളം ചേനമലയില് ലിജോ (26) എന്നിവരെ രാമപുരം പോലീസ് അറസ്റ്റ് ചെയ്തത്. തുടര്ന്ന് സിപിഎം ബിജെപി നേതാക്കള് നടത്തിയ ചര്ച്ചിയില് ഇനി അക്രമസംഭവങ്ങള് ഉണ്ടാകില്ല എന്നും ബിജെപി പ്രവര്ത്തകര്ക്ക് നേരെ നടന്ന അക്രമങ്ങളില് ഉള്പ്പെട്ട സിപിഎം പ്രവര്ത്തകര്ക്കെതിരെ പാര്ട്ടി നടപടി സ്വീകരിക്കുമെന്ന ഉറപ്പിന്മേലിലും പ്രശനങ്ങള് ഒത്തുതീര്പ്പാക്കി. തുടര്ന്നാണ് പ്രതികള്ക്ക് ജാമ്യം അനുവദിച്ചത്. കഴിഞ്ഞ കുറെ നാളുകളായി മരങ്ങാട്ടുപള്ളി ഉഴവൂര് പഞ്ചായത്തുകളില് ബിജെപി സിപിഎം സംഘര്ഷം നിലനിന്നുവരികയാണ്. മരങ്ങാട്ടുപള്ളി പഞ്ചായത്തിലെ കുര്യനാട്, പൂവത്തിങ്കല്, ഉഴവൂര് പഞ്ചായത്തിലെ ഉഴവൂര്, മോനിപ്പള്ളി തുടങ്ങിയ പ്രദേശങ്ങളില് ബിജെപി, ബിഎംഎസ്, എബിവിപി തുടങ്ങിയവര് സ്ഥാപിച്ചിരുന്ന കൊടിമരങ്ങള് വ്യാപകമായി നശിപ്പിക്കപ്പെട്ടിരുന്നു.
