തലശ്ശേരി: ധര്മ്മടം ബ്രണ്ണന് കോളേജിലെ വിവാദ മാഗസിന് പിന്വലിക്കണമെന്നും ഉത്തരവാദികളെ ഉടന് അറസ്റ്റ് ചെയ്യണമെന്നും ആവശ്യപ്പെട്ട് കോളേജിലേക്ക് മാര്ച്ച് നടത്തിയവരില് 25 പേര്ക്കെതിരെ ധര്മ്മടം പോലീസ് കേസെടുത്തു. കെഎസ്യു, യൂത്ത് കോണ്ഗ്രസ് നേതാക്കളും പ്രവര്ത്തകരുമായ റിജില് മാക്കുറ്റി, മുഹമ്മദ് ഷംനാസ് തുടങ്ങിയവരാണ് കുറ്റാരോപിതര്. റോഡ് തടസ്സപ്പെടുത്തിയതിനും ക്രമസമാധാന പാലനത്തിനെത്തിയ പോലീസിനെ ചീത്ത വിളിച്ചതിനുമാണ് കേസ്.
വെള്ളിയാഴ്ച രാവിലെയാണ് മീത്തലെ പീടികയില് നിന്നും പ്രകടനമായെത്തിയ കെഎസ്യു പ്രവര്ത്തകര് പോലീസ് തടഞ്ഞതിനെ തുടര്ന്ന് റോഡില് കുത്തിയിരുന്നത്. അനിഷ്ട സംഭവങ്ങള് ഒഴിവാക്കാനുള്ള മുന്കരുതലായി കോളേജ് പരിസത്ത് പോലീസ് കാവല് ഏര്പ്പെടുത്തിയിട്ടുണ്ട്.
