കണ്ണാടിപ്പറമ്പ്: പുലീപ്പി ഹിന്ദു എല്പി സ്കൂളില് വായനാദിനത്തിനു മുന്നോടിയായി കുട്ടികള്ക്കായി പുസ്തക ബൈന്ഡിങ്ങ് ശില്പശാല നടത്തി. അവധിക്കാലത്തു സ്കൂളില് നിന്നും ബൈന്ഡിങ്ങ് പരിശീലനം ലഭിച്ച അമ്മമാരാണ് കുട്ടികള്ക്കുള്ള പരിശീലനത്തിന് നേതൃത്വം നല്കിയത് .കുട്ടികള്ക്ക് പുസ്തകങ്ങളോട് കൂടുതല് അടുപ്പമുണ്ടാക്കുവാനും അതുവഴി വായനയിലേക്ക് നയിക്കുവാനും സാധിക്കുമെന്ന് അമ്മമാര് പറയുന്നു. വായനാ പക്ഷാചരണത്തോടെ സ്കൂള് ലൈബ്രറിയില് കൂടുതല് പുസ്തകങ്ങള് എത്തിക്കുന്നതിനും പുസ്തകങ്ങളെ കൂടുതല് അടുക്കും ചിട്ടയോടും കൂടി സൂക്ഷിക്കുവാനുമുള്ള സംവിധാനങ്ങള് ഒരുക്കുന്നതിനും തീരുമാനിച്ചു. കെ.ഇന്ദിര, പിടിഎ പ്രസിഡന്റ് കെ.പി.രത്നാകരന് ഹെഡ്മിസ്ട്രസ് ജി.കെ.രമ ടീച്ചര് എന്നിവര് സംസാരിച്ചു.
കൈതപ്രം പൊതുജന വായനശാലയില് വായനോത്സവം
പയ്യന്നൂര്: കൈതപ്രം പൊതുജന വായനശാല ആന്റ് ഗ്രന്ഥാലയത്തിന്റെ വായനോത്സവം നാളെ വൈകുന്നേരം 5.30ന് വായനശാല ഹാളില് നടക്കും’ എം.പത്മനാഭന് നമ്പൂതിരി അദ്ധ്യക്ഷത വഹിക്കുന്ന ചടങ്ങില് മാസ്റ്റര് ടി.കെ.ഗോകുല് ഗോവിന്ദ് അക്ഷരദീപം തെളിയിക്കും. പ്രശാന്ത് ബാബു കൈതപ്രം പി.എന്.പണിക്കര് അനുസ്മരണ പ്രഭാഷണം നടത്തും. ചടങ്ങിനോടനുബന്ധിച്ച് വായനാദിനം, പുസ്തക ചര്ച്ച, പുസ്തക പ്രദര്ശനം എന്നിവ നടക്കും.
