കോട്ടയം: കാലവര്ഷം ശക്തമാകുന്ന സാഹചര്യത്തില് ജില്ലയില് നടപ്പിലാക്കുന്ന നിര്മ്മാണ പ്രവര്ത്തനങ്ങളില് സര്ക്കാര് നിഷ്കര്ഷിച്ചിട്ടുളള സുരക്ഷാമാനദണ്ഡങ്ങള് പാലിച്ചിട്ടുണ്ടെന്ന് പരിശോധിച്ച് ഉറപ്പു വരുത്തണമെന്ന് ജില്ലാ കളക്ടര് സി.എ ലത റവന്യൂ, പോലീസ്, ഫയര് ആന്ഡ് റെസ്ക്യൂ, പൊതുമരാമത്ത്, ഇറിഗേഷന്, ടൂറിസം, തദ്ദേശ സ്വയംഭരണം, നിര്മ്മിതി, കെ.എസ്.ഇ.ബി, വാട്ടര് അതോറിറ്റി അധികൃതര്ക്ക് നിര്ദ്ദേശം നല്കി. ജില്ലയില് ക്രമ വിരുദ്ധമായ നിര്മ്മാണ പ്രവര്ത്തനങ്ങള് നടക്കുന്നില്ലായെന്ന് ബന്ധപ്പെട്ട വകുപ്പ് മേധാവികള് ഉറപ്പു വരുത്തണം.
തിരുവനന്തപുരം പാങ്ങാപ്പാറയില് നിര്മ്മാണ പ്രവര്ത്തനങ്ങള് നടക്കുന്നതിനിടയില് മണ്ണിടിഞ്ഞുവീണ് 4 പേര് മരിക്കാനിടയായത് സുരക്ഷാ മാനദണ്ഡങ്ങള് വിഴ്ചവരുത്തിയതു മൂലമാണെന്ന കണ്ടെത്തലിനെ തുടര്ന്നാണ് ഈ നിര്ദ്ദേശം.
