ബാഴ്സലോണ:അസാദ്യശമെന്ന് കരുതിയ വിജയം അനായാസം കൈപ്പിടയിലൊതുക്കി സ്പാനിഷ് ടീമായ ബാഴ്സലോണ ചാമ്പ്യന്സ് ലീഗിന്റെ ക്വാര്ട്ടര്ഫൈനലിലേയ്ക്ക് മാര്ച്ച് ചെയ്തു.എക്കാലത്തെയും മികച്ച തിരിച്ചുവരവിലൂടെ ബാഴ്സലോണ ഒന്നിനെതിരേ ആറുഗോളുകള്ക്ക് പാരീസ് സെന്റ് ജെര്മെയിന്സിനെ മറികടന്നു.ഇരുപാദങ്ങളിലുമായി ബാഴസയ്ക്ക് 6-5 ന്റെ വിജയം.ആദ്യപാദത്തില് അവര് 4-0 ന് പിന്നിലായിരുന്നു.
കിരീട പ്രതീക്ഷ നിലനിര്ത്തുന്ന ബാഴ്സലോണ തുടര്ച്ചയായ പത്താം തവണയാണ് ചാമ്പ്യന്സ്് ലീഗിന്റെ ക്വാര്ട്ടര് ഫൈനലില് കടക്കുന്നത്.
അവിസ്മരണീയമായ പോരാട്ടമാണ് ലൂയിസ് എന്റിക്വയുടെ ബാഴ്സലോണ കാഴ്ചവെച്ചത്.ആദ്യപാദത്തിലെ നാലു ഗോള് കുടിശകയുമായി കളിക്കളത്തിലിറങ്ങിയ അവര് സെന്റ് ജെര്മെയിന്സിനെ നിലം തൊടാന് അനുവദിച്ചില്ല.ലയണന് മെസിയും നെയ്മറുമൊക്കെ അണിനിരന്ന ബാഴ്സ നിരന്തരം സെന്റ് ജെര്മെയിന്സിന്റെ ഗോള്മുഖത്ത് ആക്രമണം അഴിച്ചുവിട്ടു.
അന്പതു മിനിറ്റില് മൂന്ന് ഗോള് നേടി അവര് മുന്നിലെത്തി.88-ാം മിനിറ്റുമുതല് മുന്ന് തവണ കൂടി സ്കോര് ചെയ്തു ബാഴ്സ അവിശ്വസനീയമായ വിജയം പിടിച്ചെടുത്തു.നെയ്മര് രണ്ടു ഗോളും മെസി,സൗരസ്,സെര്ഗി റോബര്ട്ടോ എന്നിവര് ഒരോ ഗോളും നേടി.ഒരുഗോള് സെന്റ ജെര്മെയിന്സിന്റെ കുര്സാവയുടെ സംഭാവനയായിരുന്നു. തുടക്കം മുതല് തകര്ത്തുകളിച്ച ബാഴ്സ സൗരസിന്റെ ഗോളിലുടെയാണ്് തിരിച്ചുവരവിന് തുടക്കമിട്ടത്.സെന്റ് ജെര്മെയിന്സ് ഗോളി കെവിന് ട്രാപ്പിനേക്കാള് ഉയര്ത്തില് ചാടി സൗരസ് ഒന്നാന്തരമൊരു ഹെഡറിലൂടെ പന്ത് വലയിലാക്കി.
എറെതാമസിയാതെ മെസിയും നെയ്മറും ഗോള് വല ലക്ഷ്യമാക്കി ഷോട്ടുകള് തൊടുത്തെങ്കിലും നേരിയ വ്യത്യാസത്തിന് പുറത്തേയ്ക്ക് പോയി.ആദ്യപകുതിയവസാനിക്കാന് അഞ്ചു മിനിറ്റുളളപ്പോള് സെന്റ് ജെര്മെയിന്സിന്റെ പ്രതിരോധ തകര്ച്ചമൂലം സെല്ഫ്ഗോള് പിറന്നു. അവരുടെ കുര്സാവയുടെ കാലില് നിന്ന് പന്ത് പോസ്റ്റിലേയ്ക്ക് കയറുകയായിരുന്നു.
രണ്ടാം പകുതിയുടെ തുടക്കത്തില് ലയണല് മെസി പെനാല്റ്റി ഗോളാക്കി ലീഡുയര്ത്തി.നെയ്മറിനെ മ്യൂനിയര് ഫൗള് ചെയ്തതിനു ലഭിച്ച സ്പോട്ട് കിക്ക് മെസി അനായാസം വലയിലാക്കി.
പന്ത്രണ്ടു മിനിറ്റുകള്ക്കുശേഷം സെന്റ് ജെര്മെയിന്സ് ഒുഗോള് മടക്കി.കവാനിയാണ് ബാഴ്സലോണയുടെ വല കുലുക്കിയത്.
അവസാന നിമിഷങ്ങളില് പൊരുതിമുന്നേറിയ ബാഴസ മൂന്ന് ഗോള് കൂടി നേടി വിജയവും ക്വാര്ട്ടര് ഫൈനലും ഉറപ്പിച്ചു.
ബ്രസിലീയന് മുന്നേറ്റ നിരക്കാരനായ നെയ്മര് 88ാം മിനിറ്റിലും ഇഞ്ചുറി ടൈമിലും ഗോള് നേടി.ഇഞ്ചുറി ടൈമില് സെര്ഗി റോബര്ട്ടോയും ഗോള് കുറിച്ചു.
