കോട്ടയം: മീനന്തറയാറിലേക്കും കൊടൂരാറിലേക്കും മാലിന്യം തള്ളുന്നതിനെതിരെ ഗ്രീന് ഫ്രട്ടേണിറ്റി പ്രവര്ത്തകരുടെ നേതൃത്വത്തില് നഗരസഭക്ക് മുന്നില് ജനകീയ ധര്ണ്ണ നടത്തി.
കോടിമത പ്രദേശത്തെ വന് ദുരന്തത്തിലാഴ്ത്തിയിരിക്കുന്ന മാലിന്യശേഖരണത്തിന് എതിരെയും മാലിന്യ സംസ്ക്കരണവും മലിനീകരണ നിയന്ത്രണവും നടത്തുന്നതില് നഗരസഭയും മലിനീകരണ നിയന്ത്രണ ബോര്ഡും പുലര്ത്തിവരുന്ന കുറ്റകരമായ അനാസ്ഥയ്ക്കും കെടുകാര്യസ്ഥതയ്ക്കും അഴിമതിക്കുമെതിരെയാണ് സമരപരിപാടിയെന്ന് ഗ്രീന് ഫ്രട്ടേണിറ്റി പ്രവര്ത്തകര് പറഞ്ഞു.
ഇന്നലെ രാവിലെ നഗരസഭാ കവാടത്തിലും തുടര്ന്ന് മലിനീകരണ നിയന്ത്രണബോര്ഡ് ഓഫീസ് കവാടത്തിലും ധര്ണ്ണ നടത്തി. നഗരസഭാ കവാടത്തിലെ ധര്ണ്ണ കുട്ടനാട് വികസന സമിതി എക്സി. ഡയറക്ടര് ഫാ. തോമസ് പീലിയാനിക്കല് ഉദ്ഘാടനം ചെയ്തു. എം.വി. പാലോസ്, വിശ്വനാഥന് കുന്നപ്പള്ളി, ടി.ജെ. സാമുവല്, ഡോ. സെബാസ്റ്റ്യന്, പി.യു. ജോണ്, ജേക്കബ് ജോര്ജ്ജ്, സന്തോഷ് കണ്ടംചിറ തുടങ്ങിയവര് സംസാരിച്ചു. മലിനീകരണ നിയന്ത്രണ ബോര്ഡിന് മുന്നിലെ ധര്ണ്ണ മാര്ത്തോമ്മാ സഭയുടെ പരിസ്ഥിതി സംരക്ഷണ സമിതി കണ്വീനര് ഡോ. എം.ജെ. ജോസഫ് ഉദ്ഘാടനം ചെയ്തു. കൗണ്സിലര് ജോബി ജോണ്സണ് മുഖ്യപ്രഭാഷണം നടത്തി.
